काठमाडौं– तत्कालीन एक गाविस सचिवले ज्येष्ठ नागरिक,असहाय,विधवा,अशक्त, अपाङ्ग तथा बालपोषणको १८ लाख रुपैयाँ आफ्नै खातामा राखेर भ्रष्टाचार गरेका छन्। सिरहा जिल्ला साबिक देवीपुर गाविसका सचिव जीवनकुमार धितालले एक आर्थिक वर्षको रकम सरकारी खाताबाट झिकेर आफ्नै खातामा जम्मा गरी व्यक्तिगत काममा खर्च गरेको रहस्य खुलेको हो।
_x000D_
_x000D_
अख्तियार दुरुपयोग अनुसन्धान आयोगको अनुसन्धानमा धितालले आर्थिक वर्ष ०७३/७४ मा सामाजिक सुरक्षा कार्यक्रम अन्तर्गत आएको रकम यसरी भ्रष्टाचार गरेपछि विशेष अदालतमा भ्रष्टाचार मुद्दा दायर गरेको हो।
_x000D_
_x000D_
गाविसको खाताबाट लक्षित कार्यक्रमको लागि निकासा भएको १८ लाख ३९ हजार ३ सय ५२ रूपैयाँ ७५ पैसा बैंकबाट निकाली आफ्नो घरव्यवहारमा लगाई दुरुपयोग गरेको अख्तियारको आरोपपत्रमा उल्लेख छ।
_x000D_
_x000D_
लाखौं रकम झिकी ल्याउने तर वितरण पेस नगर्ने गरेको भन्दै अख्तियारमा उजुरी दायर भएपछि धितालमाथि अनुसन्धान भएको थियो। आयोगको अनुसन्धानमा उनले रकम भ्रष्टाचार गरेको खुलेपछि अख्तियारले नियन्त्रणमा लिएको थियो।
_x000D_
_x000D_
धितालले सरकारी रकम दुरुपयोग तथा हिनामिना गरी भ्रष्टाचार निवारण ऐन, २०५९ अनुसार सजाय र बिगो भराउन अख्तियारको आरोपपत्रमा माग गरिएको छ।
_x000D_
_x000D_
धितालसँग बिगो र सजायका साथै मासेको बिगो १८ लाख ३९ हजार ३ सय ५२ रुपैयाँ असुल हुनुपर्ने माग गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762935254.png)
