काठमाडौं– आम जनता पार्टीका अध्यक्ष तथा पूर्वमन्त्री प्रभु साहले नेपाल एयरलायन्समात्रै घाटामा हुनुको कारण सोधेका छन्।
प्रतिनिधिसभाको आजको बैठकको विशेष समयमा बोल्दै सांसद साहले अरू एयरलाईन्स नाफामा हुँदा नेपाल एयरलाईन्समात्रै किन घाटामा गयो भनेर प्रश्न सोधेका हुन्।
उनले भने,‘अरू एयरलान्सले नाफा गर्ने, तर सरकारको नेपाल वायु सेवा निगम घाटामा जाने, नेपाल एयरलाईन्सले आफ्नो जहाज उडाउनै सकेको छैन्। वर्षौदेखि ती जहाजहरु थन्काईएको छ। चीनबाट ल्याईएका आन्तरिक उडानको लागि भनेर ल्याईएका पाँच वटा जहाज थन्काएर राखिएको छ। ती जहाजलाई कि उडाउनुपर्यो, कि व्यवस्थापन गर्नुपर्यो। यत्तिकै ती जहाज थन्काएर सरकारले के सन्देश दिन खोजेको हो ?’
अहिले नेपाल वायु सेवा निगमले कि त जहाज नै नउडाउने र उडाईएपनि फूल फेजमा नउडाएको साहको आरोप छ। उनले नेपाल एयरलाईन्सले जहाज उडाउनै पर्यो भनेपनि यात्रु नपाउने (चाप नभएको) ठाउँबाट उडाउने गरेको भन्दै आलोचना गरे। उनले नेपाल एयरलाईन्सको बेथितिबाट सरकारलाई राम्रै लाभ आएको हुनसक्ने आशंका व्यक्त गरे।
उनले प्रश्न गरे,‘यो सरकारले नेपाल एयरलाईन्सलाई डुबाएर कसलाई सेवा गर्न चाहेको हो ? हामीलाई जवाफ चाहियो ?’ आज नेपाल वायु निगममा दुई थरिका मान्छेहरु हाबी भएको भन्दै एकथरीले एयरलाईन्सलाई राम्रोसँग सञ्चालन गर्नेहरुपनि रहेको तर अर्को समूह नेपाल एयरलाईन्सलाई आफ्नो स्वार्थमा बेच्नेहरुपनि रहेको टिप्पणी गरे।
उनले यसबारे सरकारको पोजिसन के हो भनेर प्रश्न सोधे। उनले भने,‘यो सरकार कता हो ? एयरलाईन्स डुबाउन चाहेको हो कि बढाउन चाहेको ? नेपाल वायु सेवा निगमबाट फाईदा लिन चाहेको हो कि यसलाई बिक्री गरेर निजी वायुसेवा कम्पनीहरुबाट लाभ लिन चाहेको हो ?’ साहले नेपाल वायु सेवा निगमले अहिले अन्तर्राष्ट्रिय फ्लाईटमा जम्मा चार वटा जहाजमार्फत उडान भरेको सुनाए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
