काठमाडौं –नेपाली साहित्यका अग्रणी व्यत्तित्व तथा महान साहित्यकार समाज सुधारक सर्दार रुद्रराज पाण्डेको १२५औं जन्मजयन्ती भव्य रूपमा मनाइएको छ । रुद्रराज साहित्य सेवा समितिद्वारा आयोजित विशेष कार्यक्रम सायम कलेज, पुरानो बानेश्वरमा सम्पन्न भएको हो । कार्यक्रममा साहित्य, शिक्षा, समाज सुधार तथा राष्ट्र निर्माणमा उनको अतुलनीय योगदानको स्मरण गर्दै प्रा.डा. गार्गी शर्मालाई विशेष साहित्यिक सम्मान प्रदान गरिएको थियो ।
पुरस्कार छनोट समितिकी अध्यक्ष हिरण्यकुमारी पाठकले प्रा.डा.गार्गी शर्माले नेपाली साहित्यमा पुर्याएको योगदान बारे प्रकाश पारेकी थिइन् । त्यसैगरी कार्यक्रममा डा. गौरीशंकर लालदासले सर्दार रुद्रराज पाण्डेको योगदानको उच्च प्रशंसा गर्दै उनको साहित्यिक र शैक्षिक योगदान नेपाली पहिचानको महत्वपूर्ण आधारशिला बनेको बताए । साथै, उनले साहित्य, शिक्षा र सामाजिक सुधारका क्षेत्रमा योगदान गर्न सबैलाई प्रेरित गरे ।
कार्यक्रममा रुद्रराज साहित्य सेवा समितिका संरक्षक कृष्णराज पाण्डेले सर्दार रुद्रराज पाण्डेको ऐतिहासिक योगदानबारे प्रकाश पार्दै नेपाली भाषा, साहित्य, र शिक्षाको उत्थानमा उनको महत्वपूर्ण भूमिका रहेको उल्लेख गरे । साथै, उनले सर्दार पाण्डेको शिक्षाप्रतिको दूरदृष्टि र समाज सुधारका प्रयासहरू अझै प्रेरणादायी रहेको बताए ।
पुरस्कार छनोट समितिकी संयोजक हिरण्य कुमारी पाठकले पुरस्कृत व्यक्तित्व प्रा. डा. गार्गी शर्माको नेपाली साहित्यमा पु¥याएको योगदानबारे जानकारी दिए । प्रमुख अतिथि दिव्यशताब्दी पुरुष डा. गौरीशंकर लालदासले उनलाई विशेष सम्मान प्रदान गर्दै नेपाली भाषा र साहित्यको प्रवद्र्धनमा निरन्तर योगदानको प्रशंसा गरे ।
सम्मान ग्रहण गर्दै प्रा. डा. गार्गी शर्माले आफ्नो मन्तव्यमा नेपाली साहित्यको वर्तमान अवस्था, चुनौतीहरू र सम्भावनाहरूको चर्चा गर्दै, नयाँ पुस्तालाई लेखनमा प्रेरित गर्नुपर्ने आवश्यकतामा जोड दिए ।
कार्यक्रममा मधेश प्रदेशको बारा जिल्लाको मौवादेवी माध्यमिक विद्यालयका प्रधानाध्यापकले विद्यालयको विस्तारका लागि सहयोग आवश्यक रहेको भन्दै सर्दार रुद्रराज पाण्डेको पहलमा विद्यालयको स्थापना भएको इतिहास प्रस्तुत गरेका थिए । साथै उनले थप पूर्वाधार निर्माणका लागि समर्थन आवश्यक रहेको पनि बताएका थिए । यसै अवसरमा भानु माध्यमिक विद्यालय (दरबार हाई स्कूल) का उत्कृष्ट विद्यार्थीहरूलाई पुरस्कार तथा छात्रवृत्ति प्रदान गरिएको थियो ।
रुद्रराज साहित्य सेवा समितिका महासचिव डा. नील पाण्डेले स्वागत मन्तव्य राख्दै, सर्दार पाण्डेका कृतिहरू डिजिटल रूपमाउपलब्ध गराउनधधध।चययऊबतष्।अयm।लउ वेबसाइट सञ्चालन गरिएको जानकारी गराए । उनले सर्दार पाण्डेको लेखनलाई आधुनिक पुस्तामा पु¥याउन प्रविधिको प्रयोग आवश्यक रहेको पनि उल्लेख गरे । कार्यक्रमको समापन मन्तव्य दिँदै रुद्रराज साहित्य सेवा समितिका अध्यक्ष डा. बद्रीराज पाण्डेले सर्दार रुद्रराज पाण्डेको योगदानलाई भावी पुस्ताले आत्मसात् गर्नुपर्नेमा जोड दिए । उनले साहित्य, शिक्षा, र समाज सुधारका लागि उनका आदर्शहरूलाई पछ्याउन आग्रह गरे । नेपालीभाषा, साहित्य, शिक्षा र समाज सुधारका क्षेत्रमा सर्दार रुद्रराज पाण्डेको योगदानलाई विभिन्न तरिकाले प्रकाश पार्दै कार्यक्रम सफलता पूर्वक सम्पन्न भएको थियो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1792292945.webp)
-1786602170.png)
