काठमाडौं– आईसीसी एक दिवसीय च्याम्पियन्स ट्रफीको फाइनल खेलमा न्युजिल्यान्डले भारतलाई २५२ रनको लक्ष्य दिएको छ ।
टस जितेर पहिले ब्याटिङ गरेको न्युजिल्यान्डले निर्धारित ५० ओभरमा सात विकेट गुमाउँदै २५१ रन बनाएको हो ।
न्युजिल्यान्डका लागि ड्यारेल मिचेलले सर्वाधिक ६३ रनको योगदान दिए । १०१ रनको सामना गरेका उनले तीन चौका प्रहार गरे ।
आक्रामक सुरुवात पाए पनि मिडिल अर्डरमा रन धेरै बनाउन नसक्दा न्युजिल्यान्डले २५२ रनको लक्ष्य मात्र दिन सक्यो ।
ड्यारेलपछि माइकल ब्रासवेलले न्युजिल्यान्डका लागि सर्वाधिक रन बनाए । उनले मात्र ४० बलमा नटआउट रहँदै ५३ रनको अर्धशतकीय इनिङ्स खेले । यस्तै ओपनर रचिन रवीन्द्रले ३७, ग्लेन फिलिप्सले ३४, विल योङले १५, टम ल्याथमले १४ र केन विलियसनले ११ रन जोडे ।
यता बलिङतर्फ भारतका लागि वरुण चक्रवर्ती र कुलदीप यादवले २/२ विकेट लिँदा मोहम्मद शमी र रवीन्द्र जडेजाले एक/एक विकेट लिए ।
समूचरणमा भारतसँग पराजित भएर समूह उपविजेता बन्दै सेमिफाइनलमा प्रवेश गरेको न्युजिल्यान्डले दक्षिण अफ्रिकालाई हराउँदै फाइनल भिडन्त पक्का गरेको थियो ।
यता भारत भने सेमिफाइनलमा अस्ट्रेलियालाई हराउँदै फाइनलमा आएको हो । दुबईमा भारतले हालसम्म खेलेका १० खेलमध्ये एकमा टाइ र बाँकी ९ मा जित निकाल्दै अपराजित छ ।
एक दिवसीयमा हेड टु हेडमा भारत बलियो रहेको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1779545841.jpg)
