‘भिख’ मागेर देश समृद्ध हुँदैन – महासचिव विप्लव - नेपाल लाइभ :: नेपाल लाइभ :: Nepal Live

राजनीति

‘भिख’ मागेर देश समृद्ध हुँदैन – महासचिव विप्लव

नेपाल लाइभ सोमबार, फागुन १९, २०८१ १३:३७

सुर्खेत - नेकपा कम्युनिस्ट पार्टी (नेकपा) का महासचिव नेत्रविक्रम चन्द ‘विप्लव’ले विदेशी संग ‘भिख’ मागेर देश समृद्धि नहुने बताएका छन् । विदेशीसँग सहयोगको नाममा भिख थापेर आदर्शवादी गफ दिँदैमा देश समृद्धि नहुने उनको भनाइ छ ।

‘गफ चुट्ने नेताबाट रूपान्तरण सम्भव छैन,’ आइतबार वीरेन्द्रनगरमा आयोजित पत्रकार सम्मेलनमा उनले भने, ‘विदेशीको भिख थापेर आदर्शवादी गफ दिँदैमा देश समृद्धि हुँदैन । अहिले देशको उत्पादनले २ महिना खान नपुग्ने नेपाल भइसक्यो ‌। यसले विदेशीको एजेन्ट बनाउनतर्फ अग्रसर गराउँछ ।’

कम्युनिस्ट नेताहरूमा आवारा प्रवृत्ति हाबी भएको बताउँदै विप्लवले उत्पादन अभियानमा जोडिनुको विकल्प नभएको बताएका छन् । राजनीतिक आन्दोलनलाई उत्पादन, आर्थिक क्रान्तिमा जोड्न सकियो भने देश चाँडै परिवर्तनको दिशामा जान सक्ने उनको भनाइ छ ।

‘कृषि क्रान्तिलाई अगाडि बढाउन सकियो भने राम्रो परिणाम ल्याउन सकिन्छ भनेर हामी लागेका छौं,’ उनले भने, ‘अहिले हाम्रो पार्टीमा चन्दा माग्नुपर्ने अवस्था छैन । डेढ वर्षमा नै राम्रो भएको छ।’

राजनीतिक गर्ने मान्छेले श्रम नगर्ने भन्ने प्रवृत्तिको अन्त्य गरिने पनि उनले बताए। १ महिनादेखि कर्णालीमा रहेका विप्लवले जुम्लामा ७ सय स्याउका बिरुवा रोप्नुका साथै कालिकोटमा भेडा फार्म उद्घाटन गरिएको जानकारी गराए । भेडा फार्ममा अहिले करिब १५० भेडाहरू रहेका छन् । भेडा पालन ९० वटाबाट सुरु गरिएको उनको भनाइ छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जागरण अभियान बहुआयामिक र गुणात्मक भएको माओवादीको निष्कर्ष

आगामी आर्थिक वर्षको बजेट तर्जुमा सम्बन्धी ८ बुँदे मार्गदर्शन जारी

केपी ओली कप: लगातार तीन संस्करण जित्दै उपाधिमा मच्छिन्द्रको ह्याट्रिक