काठमाडौं महानगर सहित देशभर प्रमुख प्रशासकीय अधिकृत नपठाएको भन्दै सांसद शाहीको आपत्ति

राजनीति

नेपाल लाइभ मंगलबार, फागुन १३, २०८१ १३:४५

काठमाडौं – राप्रपाका प्रमुख सचेतक ज्ञानबहादुर शाही (ज्ञानेन्द्र) सरकारले काठमाडौं महानगरपालिकामा प्रमुख प्रशासकीय अधिकृत नपठाएको भन्दै आपत्ति जनाएका छन् । मंगलबार प्रतिनिधि सभाको बैठकमा बोल्दै शाहीले गाउँ गाउँमा सिंह गयो दरबार गएन् भन्दै ओली सरकारबाट कसैको भलो नभएको टिप्पणी गरे ।

उनले भने, ‘अहिले काठमाडौंसहित धेरै पालिकामा प्रमुख प्रशासकीय अधिकृत सरकारले पठाएको छैन । शिक्षक, कर्मचारीदेखि काठमाडौंमा सरसफाइ गर्ने कर्मचारीले तलब खान पाएका छैनन् । ओली सरकारलाई त्यसको पाप लाग्ला ।’

उनले जुम्लामा पनि त्यही हालत रहेको बताए । उनले निजामती कर्मचारीलाई नेताको घरमा चाकडी गर्न र घरदैलो अभियान गर्न नियुक्त गरेको हो ? भन्दै प्रश्न गरे । उनले यदि सरकारले समयमै कर्मचारी स्थानीय तहमा नपठाउने हो भने आगामि दिनहरुमा निर्वाचन भन्दा पनि आफ्ना पार्टीका नेता कार्यकर्ताहरुलाई भर्ती गर्न चुनौती दिए ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

घुर्बिसे देखि बकिङ्ह्यामसम्म सार्वजनिक

माओवादी केन्द्र जनताको बलले स्थापित भएको हो – अध्यक्ष दाहाल

धेरै चुरीफूरी नगर्न पूर्वराजालाई माओवादी सांसद शर्माको चेतावनी