स्वर्गद्वारीमा गरियो प्रकृतिको अन्तिम संस्कार

समाचार

नेपाल लाइभ बिहीबार, फागुन ८, २०८१ ०७:५८

बुटवल – भारतको ओडिसा राज्यको भुबनेश्वरस्थित कलिंगा इन्स्टिच्यूट अफ इन्डस्ट्रियल टेक्नोलोजी (केआईआईटी)मा शंकास्पद रुपमा मृत भेटिएकी नेपाली विद्यार्थी प्रकृति लम्सालको अन्तिम संस्कार गरिएको छ ।

उनलाई भैरहवाको स्वर्गद्वारी घाटमा बुधबार राती नै अन्तिम बिदाई गरिएको हो । मध्यरात्रीमै अन्तेष्टि गरिए पनि उनको अन्तेष्टिमा सर्वसाधारणहरुको ठूलो उपस्थिति रहेको थियो ।

भारतबाट गोरखपुर हुँदै करिब ९ बजे नै प्रकृतिको पार्थिव शरिर भैरहवा आइपुगेको थियो । करिब ११ बजे प्रकृतिको शव उनको निवास सिद्धार्थनगर वडा नम्बर ८ मा ल्याई त्यहाँ अन्तिम श्रद्धान्जली दिई १२ बजे पछि मात्र बाहिर निकालिएको थियो । शवयात्रामा आफन्त संगै उनलाई अन्तिम श्रद्धान्जली दिन कलिंगा इन्स्टिच्यूट अफ् इन्डस्ट्रियल टेक्नोलोजी केआईआईटीमा अध्ययनरत् उनका सहपाठीहरुको पनि उपस्थिति रहेको थियो । शवलाई राती नै भैरहवा परिक्रमा गराई स्वर्गद्वारी घाटमा पुर्याएर उनको अन्तेष्टि गरिएको थियो । प्रकृतिलाई उनको हजुरबुवा देवनाथ लम्सालले मुखाग्नी दिएका थिए ।

२०६१ साल असार ४ गते भैरहवामा जन्मिएकी लम्सालको यहि आईतबार केआईआईटीको छात्रावासमा झुण्डिएको अवश्थामा फेला परेको थियो । उनको मृत्यु संकास्पद देखिएपछि नेपाली विद्यार्थीहरुले सत्यतथ्य छानविनको लागि भन्दै प्रदर्शन गरेका थिए । त्यसपछि विश्वविद्यालयले नेपाली विद्यार्थीलाई नै सूचना नै निकालेर विश्वविद्यालयबाट निकालेको थियो त्यसपछि घटनाले ठूलो रुपमा लिएको थियो । घटनाको विरोधमा अहिले पनि नेपाल र भारतमा प्रदर्शन भइरहेको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रतिघण्टा ३६ किलोमिटर दौडनसक्ने रोबोटिक कुकुरको विकास

त्रिविले सार्वजनिक गर्‍यो स्ववियु निर्वाचनको तालिका

सवारी चालक अनुमतिपत्र (स्मार्ट कार्ड) वितरण गर्न सकिरहेका छैनौ : मन्त्री दाहाल