आज शहीद दिवस, देशभर विभिन्न कार्यक्रम गरी मनाइँदै

राजनीति

नेपाल लाइभ बुधबार, माघ १६, २०८१ ०६:२७

काठमाडौं – आज माघ १६ गते अर्थात शहीद दिवस । नागरिकको हकअधिकार र स्वतन्त्रताका लागि जीवन आहूति दिनेहरूको सम्मानमा बुधबार (माघ १६)गते शहीद दिवस मनाइँदैछ ।

इतिहासको विभिन्न कालखण्डमा प्रजातन्त्र, राष्ट्र र स्वतन्त्रतासहित जनताका पक्षमा भएका आन्दोलनमा मृत्युवरण गरेका वीर सपुतको सम्मानमा विविध कार्यक्रमका साथ देशभर शहीद दिवस मनाइन्छ ।

प्रजातन्त्र, नागरिक अधिकार र स्वतन्त्रताको माग गर्दा शहीद शुक्रराज शास्त्रीलाई १९९७ माघ १० गते काठमाडौंको टेकुस्थित पचलीमा र माघ १३ गते धर्मभक्त माथेमालाई सिफलमा मृत्युदण्ड दिइएको थियो । यस्तै गंगालाल श्रेष्ठ एवं दशरथ चन्दलाई माघ १५ गते शोभाभगवतीमा तत्कालीन राणा शासकले मृत्युदण्ड दिएका थिए ।

२०१२ सालदेखि नै तत्कालीन काठमाडौं नगरपालिकाको संयोजकत्वमा प्रत्येक वर्ष माघ १६ गते शहीद दिवस मनाउन थालिएको हो । पछिल्लो समय माघ १० देखि १६ सम्म शहीद सप्ताह मनाउने गरिएको छ ।

दिवसका अवसरमा आज बिहान शान्तिवाटिका रत्नपार्कदेखि शहीद स्मारक लैनचौरसम्म प्रभातफेरि गरिँदैछ । प्रधानमन्त्री, मन्त्री, सरकारका उच्च पदस्थ अधिकारी, जनप्रतिनिधि, सुरक्षा निकायको ब्याण्ड टोली र मार्चपास टोलीसहितको प्रभातफेरि स्मारक लैनचौर पुगी श्रद्धाञ्जली अर्पण गर्ने कार्यक्रम रहेको छ । उपत्यका लगायत देशका अन्य विभिन्न क्षेत्रमा पनि शहीद दिवस विभिन्न कार्यक्रम गरी मनाइँदै छ । सात प्रदेश तथा सबै स्थानीय तहले दिवसको अवसरमा विभिन्न कार्यक्रमहरुको आयोजना गरेका छन् । शहीद दिवसको अवसरमा सरकारले देशभर आज सार्वजनिक बिदा समेत दिएको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सरकारले ल्याएको अध्यादेश अस्वीकार गर्ने विपक्षी दलहरुको निर्णय

सुन तोलामा एक सय रुपैयाँले घट्यो, चाँदीको मुल्य बढ्यो

अमेरिकामा ६४ यात्रु सवार विमान सेनाको हेलिकोप्टरसँग ठोक्किएर नदीमा खस्यो, उद्धार कार्य जारी