आज पनि अदालतमा उपस्थित हुँदै रवि, थुनछेक बहस सकिने अनुमान

राजनीति

नेपाल लाइभ आइतबार, माघ १३, २०८१ ०७:२५

काठमाडौं – सहकारी ठगी मुद्दामा राष्ट्रिय स्वतन्त्र पार्टीका सभापति रवि लामिछाने आज आइतबार पनि अदालत उपस्थित हुँदैछन् । बुटवलको सुप्रिम सहकारीको रकम ठगीबारे शुक्रबार थुनछेक बहस नसकिएपछि पूर्वगृहमन्त्री समेत रहेका लामिछानेलाई परिवारको जिम्मा लगाइएको थियो । रुपन्देही जिल्ला अदालतका न्यायाधीश प्रल्हादकुमार योगीको इजलासमा बुधबार रविको बयान भइ बिहीबारदेखि थुनछेक बहस शुरू भएको थियो ।

शुक्रबार पनि थुनछेक बहस नसकिएकाले आइतबार पुनः अदालतमा उपस्थित गराउने गरी वकिल र पत्नी निकिताको रोहबरमा रविलाई जिम्मा लगाइएको थियो । आइतबार पनि बहस निरन्तर हुने भएकाले लामिछाने अदालत उपस्थित हुने भएका छन् । आइतबार थुनछेक बहस सक्ने तयारी छ ।

शुक्रबार जाहेरीकर्ताको तर्फबाट डा. सुरेन्द्र भण्डारी, आरसी गौतम लगायतले बहस गरेका थिए । प्रतिवादी लामिछानेको तर्फबाट वरिष्ठ अधिवक्ता सुशील पन्तले बहस गरेका छन् ।

सुप्रिम सहकारीको २ करोड रूपैयाँ रवि लामिछानेको नाममा गोर्खा मिडियामा प्रवाह भएको तथ्य सार्वजनिक भएपछि प्रहरीले अनुसन्धान गरेको थियो । प्रहरी अनुसन्धानको आधारमा जिल्ला सरकारी वकिलको कार्यालय रुपन्देहीले माघ ६ गते रविविरुद्ध पूरक जाहेरी दर्ता गरेको थियो ।
बहसपछि अदालतले रविलाई साधारण तारेखमा छाड्ने, धरौटी तारेखमा छाड्ने वा पुर्पक्षका लागि थुनामा पठाउनेमध्ये एउटा आदेश दिनेछ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

युक्रेनमा बसमा ड्रोन आक्रमण, नौ जनाको मृत्यु

नीति तथा कार्यक्रम वैशाख १९ गते पेस हुने

६ किलो अवैध चाँदी प्रहरीद्वारा बरामद