प्रचण्ड सत्ता गुमाएपछि विचलित भएर बर्बराउँदै हिँडेकाे शंकर पोखरेलकाे आरोप

समाचार

नेपाल लाइभ शनिबार, माघ १२, २०८१ १५:४०

काठमाडौं – नेकपा एमालेका महासचिव शंकर पोखरेलले नेकपा माओवादी केन्द्रका अध्यक्ष पुष्पकमल दाहाल प्रचण्ड सत्ता गुमाएको छटपटीमा समाजमा बर्बराउँदै हिँडेको बताएका छन् ।

राष्ट्रिय युवा संघ नेपालको कार्यकर्ता भेलालाई शनिबार काठमाडौंमा सम्बोधन गर्दै महासचिव पोखरेलले प्रचण्ड समाजमा अराजकता फैलाउन उद्धत रहेको आरोप समेत लगाएका छन् ।

‘प्रचण्ड सत्ता गुमाएपछि विचलित भएर समाजमा अराजकता फर्काउन सकिन्छ कि भनेर एमाले विरुद्ध बर्बराउँदै हिँडेका छन् ।’ उनले भने । कांग्रेस एमाले मिल्नु अप्राकृतिक भनिएको तर्फ लक्षित गर्दै महासचिव पोखरेलले जनताले नपत्याएका दल शासनको शीर्ष स्थानमा रहने कुरा प्राकृतिक हो त ? भनेर प्रश्न गरे ।

‘२ सय ७५ सिटको संसदमा ३२ सिटको माओवादी सत्तामा हुँदा प्राकृतिक हुने अनि सर्वाधिक र लोकप्रिय मत पाउने दलहरू मिलेर सरकार चलाउने कुरा चाहिँ अप्राकृतिक हुन्छ ?’ पोखरेलले भने, ‘ठूला पार्टीका सहारामा चुनाव जित्ने र सरकारमा बसेर तिनैमाथि शासन गर्ने प्रवृत्ति अन्त्य हुनुपर्छ ।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

नेपाल सरकारद्वारा भारत–पाकिस्तानबीच बढ्दो तनावप्रति चिन्ता व्यक्त

आजको मौसमः पहाडी भू–भागमा आंशिक बदली, छिटपुट वर्षाको सम्भावना

भारत–पाकिस्तान आक्रमणः सुरक्षाका कारण पञ्जाब र दिल्लीबीचको खेल रद्द