जुगलको तेगा पहिरोमा परेका ७ जनाको खोजी जारी

समाज

नेपाल लाइभ सोमबार, असोज १४, २०८१ १४:१४

फाइल तस्बिर।

चौतारा- सिन्धुपाल्चोकको जुगल गाउँपालिका–३ को तेगागाउँमा शनिबार गएको पहिरोमा परेका सात जना अझै बेपत्ता छन्। शुक्रबार तेम्बाथाङबाट गाउँ हिँडेका सातै जना सम्पर्कविहीन भएको वडाध्यक्ष लक्ष्मण लामा दोङले जानकारी दिए।

उनका अनुसार पहिरोमा स्थानीय मिङ्मार रिन्जेन शेर्पा, लाक्पा शेर्पा र पेम्बा शेर्पाको घर पूर्ण रुपमा क्षतिग्रस्त भएको छ। पहिरोले घर पुरिएका सहित गरी स्थानीय शाङ्मो शेर्पा, ढेन्डु शेर्पा, साडलो शेर्पा, ढोमा शेर्पा सम्पर्कमा छैनन्।

वडाध्यक्षका अनुसार स्थानीयले हेर्दा तेम्बाथाङ अगाडि र तेगा नजिकै पनि पहिरो गएको देखिएको जानकारी प्राप्त भएको छ।
प्रमुख जिल्ला अधिकारी किरण थापाले हेलिकोप्टरमार्फत उक्त स्थान निरीक्षण गरेका छन्। तेगा पहिरोपीडितका लागि सिन्धुपाल्चोक उद्योग वाणिज्य सङ्घले राहतस्वरुप खाद्यान्न उपलब्ध गराएको छ।

-रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सर्वोच्चको बोर्डमा कालो रङ छ्यापेकी बिनु यादव प्रहरी नियन्त्रणमा

हिजो १५ हजारले घटेको सूनको मूल्यमा आज पनि साढे दुई हजारले घट्यो

चिसो बढेसँगै कालीगण्डकीमा जलयात्रा बन्द