चितवन- अविरल वर्षाका कारण हुने सम्भावित जोखिमलाई मध्यनजर गरी नारायणगढ–मुग्लिन सडकखण्ड रातिको समयमा बन्द गरिने भएको छ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणको निर्देशनअनुसार अविरल वर्षाका कारण पहिरो खस्न सक्ने भन्दै सडकखण्ड रात्रिकालीन समयमा बन्द गरिएको हो।
जिल्ला प्रहरी कार्यालयका प्रमुख भावेश्वर रिमालले आज र भोलि यस सडकखण्डमा सवारी सञ्चालनमा रोक लगाइएको जानकारी दिए। उनले बेलुका ७ बजेदेखि बिहान ५ बजेसम्म सवारीसाधन सञ्चालनमा रोक लगाइएको बताए।
अत्यावश्यक सवारी साधनबाहेक अन्यलाई नारायणगढतर्फ आँपटारी र मुग्लिनतर्फ मुग्लिन बजारमा रोकिने रिजालले जानकारी दिए।
शुक्रबार बिहानैदेखि परेको अविरल वर्षाका कारण देशभरिकै अवस्था अस्तव्यस्त बनेको छ। काठमाडौँ लगायत विभिन्न शहर जलमग्न भएका छन् भने सडकहरु अवरुद्ध भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
