दुर्घटनापछि उडान बन्द गरेको युएस–बांग्लाले माग्यो काठमाडौंमा उडान अनुमति

कर्पोरेट

नेपाल लाइभ मंगलबार, असोज ९, २०७५ ०७:५०

काठमाडौं– बंगलादेशको निजी हवाई सेवा प्रदायक कम्पनी युएस–बांग्ला एयरलायन्सले उडान बन्द गरेको करिब सात महिनापछि पुनः त्रिभुवन अन्तर्राष्ट्रिय विमानस्थलमा उडानका लागि अनुमति मागेको छ।

_x000D__x000D_

गत फागुन २८ गते त्रिभुवन अन्तर्राष्ट्रिय विमानस्थलमा युएस–बांग्लाको विमान अवतरणका क्रममा दुर्घटना भएको थियो। दुर्घटनामा चालक दलका ४ सदस्यसहित ५१ जनाले ज्यान गुमाएका थिए।

_x000D__x000D_

युएस–बांग्लाको फ्लाइट–२११ को यस विमान दुर्घटनामा ४९ जनाले घटनास्थलमै ज्यान गुमाएका थिए भने दुई जनाको उपचारको क्रममा मृत्यु भएको थियो। मृत्यु हुनेहरुमा २२ जना नेपाली, २८ जना बङ्गलादेशी र १ चिनियाँ नागरिक थिए। विमान दुर्घटनापछि युएस–बांग्लाले तत्कालको लागि विमान अभाव देखाउँदै काठमाडौंमा गर्दै आएको उडान बन्द गरेको थियो।

_x000D__x000D_

तर, अहिले भने युएस–बांग्ला एयरलाइन्स कम्पनीले सातै दिन उडान भर्नेगरी अनुमति मागेको नेपाल नागरिक उड्डयन प्राधिकरणका उपमहानिर्देशक राजन पोखरेलले जानकारी दिए।

_x000D__x000D_

पोखरेलका अनुसार एयरलाइन्सले अक्टोबर २९ अर्थात कात्तिक १२ गतेदेखि उडान सुचारु गर्नेगरी अनुमति मागेको छ। तर, प्राधिकरणले एयरलाइन्सले उडान अनुमतिका लागि निवेदन दिएपनि अहिलेसम्म उडान अनुमति भने दिएको छैन। अहिले युएस बांग्ला एयरलाई उडान अनुमति दिने वा नदिने भन्ने विषयमा छलफल भइरहेको पोखरेलले जानकारी दिए।

_x000D__x000D_

यता, युएस–बांग्ला विमान दुर्घटनामा ज्यान गुमाएका २२ जनाका परिवारले दुर्घटनामा विमान चालक दोषी रहेको भन्दै असिमित दायित्वअन्तर्गत बीमा दाबीसहित अन्तर्राष्ट्रिय अदालत (अमेरिकाको क्यालिफोर्निया)मा मुद्दा दायर गर्ने प्रक्रियामा लागेका छन्।

_x000D__x000D_

यसैबीच दुर्घटना जाँचबुझ आयोगले पनि विमान दुर्घटनामा पाइलटको दोष देखाउँदै सरकारलाई प्रतिवेदन बुझाइसकेको छ। तर, रिपोर्ट भने सार्वजनिक भइसकेको छैन।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बच्चाहरूमा कलेजो रोगका प्रारम्भिक संकेतहरू

चिया खाएर पैसा तिर्ने विवादमा आफ्नै साथीको खुकुरी हानी हत्या

एकीकृत समाजवादी ३२ लाख रुपैयाँ घाटामा,के के छन् मुख्य आम्दानीको स्रोत ?