काठमाडौं-पेरिस ओलम्पिक २०२४ मा चीन १६ स्वर्णसहित पदक तालिकाको शीर्ष स्थानमा कायमै छ ।
चीनले अहिलेसम्म १६ स्वर्ण १२ रजत र ९ कांस्यसहित कुल ३७ पदक जितेको छ । हिजो चीनले थप ३ स्वर्ण जितेको थियो । एकै दिन पाँच स्वर्ण जितेपछि अमेरिका चौंथो स्थानबाट दोस्रो स्थानमा उक्लिएको छ ।
दुई स्थान सुधार गरेको अमेरिकाको नाममा १५ स्वर्ण २४ रजत र २३ कांस्यसहित कुल ६१ पदक जितेको छ । फ्रान्स एक स्थान तल भरेको छ । तेस्रो स्थानमा रहेको आयोजक टोलीले अहिलेसम्म १२ स्वर्ण १४ रजत १५ कांस्य जितेको छ । समान १२ स्वर्णसहित ८ रजत र ७ कांस्य जितेको अस्ट्रेलियो चौंथो स्थानमा छ । पाँचौं स्थानमा रहेको ग्रेट ब्रिटेनले १० स्वर्णसहित कुल ३३ पदक जितेको छ ।
जापानलाई पछि पार्दै दक्षिण कोरिया छैटौं स्थानमा उक्लिएको छ । उसको नाममा ९ स्वर्णसहित २१ पदक छ । जापान र इटाली क्रमश: सातौं र आठौं स्थानमा छन् ।
पेरिस ओलम्पिक २०२४ मा आज थप २० स्वर्ण पदकका लागि प्रतिस्पर्धा हुने छ । प्रतियोगितामा सहभागी २ सय ६ देश मध्य ४१ देशले कम्तिमा १ स्वर्णपदक जितेका छन् । यसैगरी ६३ देशले पदकको खाता खोलेका छन् ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।