काठमाडौं– नेपालमा ७ महिनामा झण्डै ७ लाख विदेशी पर्यटक भित्रिएका छन्। सन २०२४ को जनावरीदेखि जुलाईसम्म ६ लाख ४७ हजार ६१५ पर्यटक नेपाल भित्रिको नेपाल पर्यटन बोर्डले जनाएको छ।
नेपाल भित्रिएका यी पर्यटक सन् २०२३ को पहिलो ७ महिनाको तुलनामा २१.२२ प्रतिशतले बढी हो। गत वर्ष सन् २०२३ मा नेपालमा ५ लाख ३४ हजार २०६ पर्यटक नेपाल भित्रिएको बोर्डको तथ्यांकमा उल्लेख छ।
सन् २०२४ को पहिलो ६ महिनामा नेपाल आएका पर्यटकमध्ये सबैभन्दा बढी मार्चमा छन्। मार्चमा १ लाख २८ हजार १६७ पर्यटक भित्रिएका थिए। सन् २०२४ को सात महिनामा सबैभन्दा कम पर्यटक जुलाइमै आएका छन्।
यस्तै जुलाइमा ६४ हजार ५९९ पर्यटक आएका छन्। अघिल्लो वर्षको तुलनामा पर्यटक आगमन बढेको भए पनि सन् २०२४ को तुलनामा भने जुलाइमा सबैभन्दा कम हो।
जुन महिनामा मात्रै ७६ हजार ७३६ जना पर्यटक आएका छन्। यस अघिको ५ महिनामा नै ५ लाख ६ हजार पर्यटक आएका थिए।
जसमध्ये जनावरीमा ७९ हजार १ सय, फेब्रुअरीमा९७ हजार ४२६, मार्चमा १ लाख २८ हजार १६७,अप्रील १ लाख ११ हजार ३७६, मेमा ९० हजार २११ जना नेपाल भित्रिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1763721444.png)
-1763721444.png)
-1763559424.jpg)
