मौसममा सुधार भएसँगै घर फर्कंदै कञ्चनपुरका बाढीपीडित

समाज

नेपाल लाइभ मंगलबार, असार २५, २०८१ २१:००

महेन्द्रनगर- मौसममा क्रमशः सुधार भएसँगै कञ्चनपुरका बाढीपीडित घर फर्कन थालेका छन्। सोमबार अपराह्नसम्म वर्षाका कारण कञ्चनपुरका ९ वटा पालिकाका चार हजारभन्दा बढी सुरक्षित स्थानमा सरेका थिए।

जिल्ला प्रहरी कार्यालयका प्रवक्ता प्रहरी नायब उपरीक्षक उमेश जोशीले मंगलबारा बिहानसम्म दुई हजार सातजना घर फर्किएका बताए। महाकाली नदीमा पानीको सतह घटेपछि आजदेखि बनबासा पुलमा आवागमन पनि खुलिसकेको जानकारी दिए। बाढी तथा घर डुबानमा परेका पीडितहरु विद्यालय, वडा कार्यालय, सार्वजनिक स्थान र आफन्तको आश्रयमा पुगेका थिए।

दोधारा चाँदनी नगरपालिकामा पीडितहरु अम्बिका माध्यमिक विद्यालयमा सयौँ परिवार अझै बसिरहेका छन् भने भीमदत्त नगरपालिका-१२ ऐरीस्थित वडा कार्यालय भवन र वडा नं १८ सालघारीस्थित मदन भण्डारी आधारभूत विद्यालयमा आश्रय लिइरहेका छन्।

भीमदत्त नगरपालिका–१८ का वडाध्यक्ष रवीन्द्र देवकोटाले मदन भण्डारी आधारभूत विद्यालयमा एक सय ३०, वडा कार्यालयमा एक सय र महेन्द्रनगर माविमा ६० जना पीडितले आश्रय लिएको बताए। दोधारा चादँनी, बेल्डाडी, बेदकोट नगरपालिका लगायत क्षेत्रका बस्ती डुबानमा परेपछि अन्यत्र सरेकाहरु घर फर्कने क्रम जारी रहेको जिल्ला प्रशासन कार्यालयले जनाएको छ।

जिल्लामा बाढीमा परी तीन किशोरी र एक सातमहिने शिशुसहित चार जनाको मत्यु भएको छ भने एक जना अझै बेपत्ता छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रधानमन्त्री र मुख्यमन्त्रीहरूबीच भर्चुअल बैठक: ‘समस्या पहिचान गरेर समाधान गर्छौं’

१०औँ राष्ट्रिय खेलकुद प्रतियोगिता तोकिएकै समयमा आयोजना गर्न निर्देशन

करिब ४० प्रतिशत किशोरीले ‘एचपिभी’ खोप लगाए