युवा पुस्तामा घरै बेचेर भए पनि विदेश जाने हुटुहटी चलेको छः पूर्व प्रधानन्यायाधीश कार्की

समाज

नेपाल लाइभ शुक्रबार, असार १४, २०८१ २१:०५

काठमाडौँ- पूर्व प्रधानन्यायाधीश सुशीला कार्कीले नयाँ पुस्तामा घर बेचेरै भए पनि विदेश जाने हुटहुटी चलेको बताएकी छन्। प्राडा सुरेन्द्र केसीद्वारा लिखित पुस्तक ‘स्मृति र अनुभूति’ विमोचन कार्यक्रममा शुक्रबार उनले पछिल्लो समय युवामा कक्षा १२ पढेपछि जसरी पनि विदेश जाने मानसिकता हावी भएको उल्लेख गरिन्।

उनले भनिन्, ‘विद्यार्थीमा मात्रै होइन अभिभावकमा पनि छोराछोरीलाई जसरी भए पनि विदेश पढाउने हुटहुटी चलेको छ, तर पहिले यस्तो थिएन।’

उनले प्राडा सुरेन्द्र केसीद्वारा लिखित पुस्तक ‘स्मृति र अनुभूति’ पठनीय भएको भन्दै पुस्तकमा समेटिएका विषय मननयोग्य भएको उल्लेख गरिन्। विसं २०१२ सालदेखि अहिलेसम्म कति ठूलो परिर्वतन आयो, पहिले र अहिलेको पढाइको अन्तर पुस्तकमा समेटिएको उनको भनाइ थियो।

लेखक प्राडा केसीले ५० लाखभन्दा धेरै जनसङ्ख्या देश बाहिर रहेको अवस्थामा मुलुकमा सङ्कट आए कसले बचाउने भन्दै प्रश्न गरे उनले यी विषय पनि पुस्तकमा समेटिएको उल्लेख गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रतिनिधिसभा बैठक बस्दै, यस्तो छ कार्यसूची

सल्यान महोत्सवका स्टलहरूमा आगलागी, करोडौँको सामाग्री जलेर ध्वस्त

नेपालगन्जबाट काठमाडौँ आउँदै गरेको बस चितवनमा दुर्घटना