सोल– उत्तर कोरियाका सर्वोच्च नेता किम जोङ उनलाई अमेरिकाका राष्ट्रपति डोनाल्ड ट्रम्पसँग फेरि शिखर बैठक गर्न दक्षिण कोरिया र चीनले सुझाव दिएका छन्।
_x000D_
_x000D_
दक्षिण कोरियाका राष्ट्रपति मुन जाय इनले चाँडै नै ट्रम्पसँग शिखर बैठक गर्न किमलाई बिहीबार आग्रह गरेका हुन्। दुई कोरियाको शिखर बैठकका क्रममा मुनले किमसँग यस्तो अपेक्षा व्यक्त गरेको समाचारमा उल्लेख छ।
_x000D_
_x000D_
तीन दिन अगाडी गत मंगलबारदेखि शिखर सम्मेलनका लागि उत्तर कोरियाको राजधानी प्योङ्योङ्मा रहेका मुनले पत्रकार सम्मेलनमा सम्धबोन गर्ने क्रममा ट्रम्पसँग किमले भेट्ने विषयलाई जोड दिए।
_x000D_
_x000D_
मुनले आणविक निशस्त्रीकरणका लागि उत्तर कोरियाली नेता किमले पुनः प्रतिवद्धता जनाएको पनि जानकारी दिए। मुन र किमबीच यसैवर्ष मात्रै अहिलेसम्म तीन पटक बैठक भइसकेको छ। यसअघि गत अप्रिल २७ र मे २६ तारिखका दिन दुई कोरियाको शिखर वार्ता भएको थियो।
_x000D_
_x000D_
त्यसैगरी किम र ट्रम्पबीच भने पहिलो पटक गत जुन १२ तारिखका दिन सिंगापुरमा ऐतिहासिक शिखर बैठक भएको थियो। अमेरिकी राष्ट्रपति ट्रम्पसँग दोस्रो शिखर बैठक गर्न चीनको विदेश मन्त्रालयले पनि बिहीबार किमलाई आग्रह गरेको छ।
_x000D_
_x000D_
दुई कोरियाका शीर्ष नेताको बैठक प्योङ्याङ्मा भइरहेकै बेला चीनको विदेश मन्त्रालयका प्रवक्ताले ट्रम्पसँग पनि शिखर बैठक फेरी गर्न किमलाई आग्रह गरेका हुन्। कोरियाली शिखर बैठकपछि जारी संयुक्त घोषणापत्रमा आणविक निशस्त्रीकरणप्रति चरणवद्ध रूपले अगाडी बढ्ने प्रतिबद्धता पुनः जनाइएकोमा चीनले खुशी व्यक्त गरेको छ।
_x000D_
_x000D_
सिङ्गापुरमा भएको यसअघिको सहमति अनुसार नै अमेरिकाले पनि थप कदम चाल्ने चीनले अपेक्षा गरेको जनाएको छ।
_x000D_
_x000D_
चीनको विदेश मन्त्रालयका प्रवक्ता गेङ शुङले भने, ‘उत्तर कोरिया र अमेरिकाका शीर्ष नेताले एक अर्कासँग छिट्टै वार्ता गर्ने विश्वास लिइएको छ।’
_x000D_
_x000D_
यसैबीच अमेरिकी विदेश मन्त्री माइक पोम्पेओले उत्तर कोरियासँग नयाँ चरणको सम्झौता गर्न अमेरिकाले आन्तरिक तयारी गरिरहेको बुधबार बताएका थिए। रासस
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1789631269.jpg)
