काठमाडौँ- शनिबारबाट राष्ट्रिय खेलकुद परिषद्को त्रिपुरेश्वरस्थित कभर्डहलमा भएको १५ औं एनएसकेए इन्टरनेसनल कराँते च्याम्पियनसिपमा नेपाल लगातार १५औं पटक पनि च्याम्पियन हुन सफल भएको छ।
आइतबार समापन भएको प्रतियोगितामा नेपालले १९ वटा स्वर्ण जित्दै १५औं पटक पनि च्याम्पियन बनेको हो। प्रतियोगितामा नेपालले १९ स्वर्णका साथमा २४ रजत तथा ३० काँस्य पदक जितेको छ।
यसैगरी १२ स्वर्णसहित भारत दोश्रो बन्यो। उसले १२ स्वर्णसहित ६ कास्य तथा १२ काँस्य पदक जित्यो। त्यसैगरी पश्चिम बंगालको नेतृत्व गरेको टिएसआरकेकेओ टोली २ स्वर्णसहित तेश्रो बन्यो। दुई स्वर्णसहित यो टिमले ३ रजत र ७ कास्य पदक जितेको छ।
प्रतियोगितामा उमेर समूहमा ११ स्पर्धामा र तौल समुहमा २९ स्पर्धामा गरी कुल ४० स्वर्ण, ४० रजत तथा ८४ कास्य पदकका लागि प्रतिष्पर्धा भएको थियो।
प्रतियोगिताको शनिबार युवा तथा खेलकुद मन्त्री बिराज भक्त श्रेष्ठले उद्घाटन गरेका थिए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।