सरकारी मिडिया सरकारका भजनमण्डली मात्र बन्नु हुँदैन: मन्त्री शर्मा

राजनीति

नेपाल लाइभ सोमबार, वैशाख २४, २०८१ १०:२४

काठमाडौँ- सञ्चार तथा सूचना प्रविधि मन्त्री रेखा शर्माले संविधानमा व्यवस्था गरेका मौलिक हकहरु व्यवहारमा कार्यान्वयन गर्न नसकेको स्वीकार गरेकी छिन्। सोमबार काठमाडौंमा गोरखापत्र प्रकाशनको १२४औं वर्ष प्रवेशको अवसरमा बोल्दै उनले संविधानमा मौलिक हकका धेरै राम्रा व्यवस्था भए पनि कार्यान्वयन हुन नसकेको बताएकी हुन्।

मन्त्री शर्माले जातीय छुवाछुत, लैङ्गिक समानता लगायतका थुप्रै विषयहरु संविधानमा व्यवस्थित गरेको भए पनि आजसम्म पनि व्यवहारमा कार्यान्वयन हुन नसकेको उल्लेख गरिन्। व्यावहारिक रुपमा कार्यान्वयन हुन नसक्नुको पछाडिको कारणहरु पत्ता लगाई सरकारी सञ्चार माध्यमबाट जनता समक्ष लैजान आवश्यक रहेको उनको भनाइ थियो।

मन्त्री शर्माले भनिन्, ‘हामी अहिले नयाँ समयमा छौँ। नयाँ समयमा गइसकेपछि हामीले त्यही ढंगबाट अघि बढ्नुपर् । हामीले संविधानमा मौलिक हकका धेरै राम्रा व्यवस्था गरेका छौँ। जातीय छुवाछुत, लैङ्गिक समानता लगायतका थुप्रै विषयहरु संविधानमा व्यवस्थित गरेका छौँ। तर त्यो कुरा आजका दिनमा पनि व्यवहारमा कार्यान्वयन हुन सकेको छैन।’

उनले सरकारी मिडियाहरु सरकारका भजनमण्डलीका रुपमा मात्रै रहनु नहुने उल्लेख गर्दै सरकारी मिडियाहरु सरकार र जनताबीचको पुल बन्न सक्नुपर्ने बताइन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

शक्तिशाली आँधीका कारण अमेरिकामा २१ जनाको मृत्यु

परराष्ट्रमन्त्री डा राणासँग बिम्स्टेकका महासचिवको शिष्टाचार भेट

अछाम पुगेका प्रचण्डले गरे सहकार्यका लागि भीम रावललाई आग्रह