काठमाडौं–मेक्सिको, क्यानडा र अमेरिकामा लाखौं मानिसले सन् २०२४ को पहिलो सूर्यग्रहण हेरेका छन् ।
खग्रास सूर्यग्रहण सबैभन्दा पहिले स्थानीय समयअनुसार ११ बजेर ७ मिनेटमा मेक्सिकोको पश्चिमी तटस्थित माजात्लानमा देखिएको थियो । अन्त्य भने क्यानडाको न्युफाउन्डल्यान्डमा पुगेर भएको थियो । तर यो ग्रहण भारत तथा नेपालमा भने देखिएको थिएन।
ग्रहणलाई अधिकांश मानिसले दिन एकाएक रातमा परिणत भएको क्षणलाई रोमाञ्चकताका साथ हेरेको अन्तर्राष्ट्रिय सञ्चारमाध्यमले जनाएका छन् । नियाग्रा फल्सको दुवै किनारामा पनि हजारौं पर्यटक ग्रहण हेर्न उभिएका थिए । यस्तै, क्यानडाको मन्ट्रियलस्थित म्याकगिल विश्वविद्यालय क्याम्पसको परिसरमा २० हजार मानिस जम्मा भएको जनाइएको छ। त्यहाँ सूर्यग्रहण हेर्ने मेसो ट्रोटियर स्पेस इन्स्टिच्युटले मिलाएको थियो ।
यस्तै ग्रहण देख्न सकिने अन्तिम स्थान न्युफाउन्डल्यान्डको फोगो टापुमा पनि मानिसहरु जम्मा भएका थिए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751533150.jpg)
-1751526495.png)
-1749826086.png)
