काठमाडौं- ‘खजुरे ब्रो’ले नयाँ पोस्टर रिलिज गरेको छ। अभिनेता रेयर राईको शीर्ष भूमिका रहेको यो सिनेमाको सार्वजनिक पोस्टरमा पैसा बोकिरहेका आफ्ना साथी महेश त्रिपाठीसँग हर्षित मुद्रामा मोटरसाइकलमा गइरहेको देख्न सकिन्छ।
यो खुसीसँगै अर्कोतर्फ खजुरेलाई सुन्दरी युवती (नीति शाह)लाई सम्झिरहेको देख्न सकिन्छ। पोस्टरबाट सिनेमा प्रेम र पैसाको वरीपरी घुमेको अनुमान गर्न सकिन्छ।
यस्तै कलाकार नविन मानन्धरलाई पनि पोस्टरमा स्थान दिइएको छ। साथमा धरानको चर्चित घण्टाघरलाई पनि पोस्टरमा राखिएको छ।
सिनेमाले धरान र आसपासका क्षेत्रमा चर्चित रहेका खजुरे पात्रको कथा पेस गर्छ। धरान आसपासमा डुलिहिँड्ने यी पात्रको केही वर्ष अगाडि मृत्यु भइसकेको छ।
सिनेमामा रेयर, महेश, नीति, नविनका अलावा प्रकाश भुजेल, बिनिता थापा मगर, सुष्मा निरौला, पुस्कर कार्की, मनिष राउत, प्रेम सुब्बा, सुजाता राई, शान्तिला तामाङ, पवन लिम्बु, दीपचन्द्र राईलगायत कलाकारको अभिनय छ।
‘षडङ्ग’ निर्देशक सुरज सुनुवार निर्देशित सिनेमा वैशाख २८ गते रिलिज हुँदैछ।
कलाकार नविन मानन्धर तथा निर्देशक सुनुवारको संयूक्त निर्माण रहेको सिनेमामा अनिल मानन्धर र पिकेश मानन्धर सह-निर्माता छन्। डायमण्ड उप्रेती कार्यकारी निर्माता हुन्।
शिशिर बिसुंखेको छायांकन रहेको सिनेमामा मित्र डी गुरूङको सम्पादन छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1734781523.png)
