‘डिग्री माइला’को नयाँ गीत ‘किन’मा के गर्दैछन् आँचल-दया?

सिनेमा

नेपाल लाइभ बिहीबार, चैत २२, २०८० ०७:५९

काठमाडौं- ‘डिग्री माइला’को नयाँ गीत ‘किन ?’ सार्वजनिक गरिएको छ। सार्वजनिक गीतमा हेमन्त रानाको शब्द रचना, संगीत तथा गायन रहेको छ।

गीतमा अभिनेता दयाहाङ राई र अभिनेत्री आँचल शर्मा फिचर भएका छन्। सार्वजनिक गीतको लिरिकल भिडयोमा उनीहरुलाई एकापसमा रोमान्टिक नोकझोंक गरिरहेको देख्न सकिन्छ। सिनेमा चैत ३० गते रिलिज हुँदैछ।

रामबाबु गुरुङ निर्देशित सिनेमामा दया र आँचलका अलावा प्रकाश घिमिरे, विजय बराल, माओत्से गुरुङ, बुद्धि तामाङ, हिउँवाला गौतम, कमलमणि नेपाल, सोमनाथ खनाल, पशुपति राई, लोकेन्द्र लेखक आदिको अभिनय रहेको छ।

‘किन चाउरिस मरिच आफ्नै रागले’ भन्ने उखानलाई स्लोगन बनाइएको फिल्ममा शिवराम श्रेष्ठ र रिले एच. शेनको छायांकन छ भने निमेष श्रेष्ठको सम्पादन छ।

विशाल गुरुङ, मणिराम पोखरेल, मधु मिजार तथा सुष्मा गुरुङले निर्माण गरेको सिनेमाका कार्यकारी निर्माता क्रिश लामा हुन्।

‘डिग्री माइला’ सोही नाममाथि बनेको नाटकमा आधारित सिनेमा हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सूर्यदर्शन सहकारी प्रकरण : दीपेश पुनमाथि २ करोड १४ लाख बिगो दाबी

कैलालीमा आधा किलो सुनसहित दुई भारतीय नागरिक पक्राउ

हृदयघातबाट थुनुवाको मृत्यु