काठमाडौं– `घरज्वाइँ´ सिनेमाले आफ्नो पात्र चित्र सार्वजनिक गरेको छ। अनिल बुढा मगर निर्देशित सिनेमाले दुई पोस्टरमा सार्वजनिक गर्दै यसका शीर्ष पात्रलाई प्रस्तुत गरेको छ।
सार्वजनिक दुई पोस्टरमध्ये एकमा बन्दुक बोकेका रिसाहा दयाहाङलाई देखाइएको छ भने अर्कोमा उनलाई अभिनेत्री मिरुना मगरको पछि डोकोहरु बोकेर पछ्याइरहेको देख्न सकिन्छ।
सिनेमामा दयाहाङ र मिरुनाका साथमा बुद्धि तामाङ,पुष्कर गुरुङ,शिशिर बाङ्देल,भोलाराज सापकोटा,खड्कबहादुर पुन (खबपु),राज थापा,कविता आले,शिला आले,अनु थापा,बिना थापा मगर,सोनाम लामा,बिबेश बुढा मगर,सुनिल मगर आदिको अभिनय रहेको छ।
मगर संस्कृतिमा आधारित यो सिनेमालाई पूर्वी रुकुमका विभिन्न रमणीय स्थानहरुमा छायाँकन गरिएको छ। जनक घर्ती मगरको निर्माण रहेको सिनेमामा निर्देशक अनिल बुढाको कथा अनि पटकथा रहेको छ भने संवादमा उनले विनोद खतिवडा र सुभाष कोइरालासँग सहकार्य गरेका छन्।
सुसन प्रजापतिले खिचेको सिनेमाको गीतमा हर्क साउद र मनोज थापाको शब्द र संगीत रहेको छ भने रामजी लामिछानेको कोरियोग्राफी छ। सिनेमा असार २८ गते रिलिज हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1773643707.png)
-1764146706.png)
