‘लन्डन टु पेरिस’मा साम्राज्ञी-निश्चल एकापसमा बाँधिदा गरिमाको अँगालोमा कविर

सिनेमा

नेपाल लाइभ शुक्रबार, चैत १६, २०८० १२:१५

काठमाडौं- आगामी जेठ २५ गते रिलिज हुने रोमान्टिक सिनेमा ‘लन्डन टु पेरिस’को दोस्रो पोस्टर रिलिज भएको छ। सिनेमाका दुई रोमान्टिक जोडी पात्रलाई सार्वजनिक पोस्टरमा प्रस्तुत गरिएको छ।

सार्वजनिक पोस्टरमा एकातर्फ डेब्यू अभिनेता निश्चल खड्का र साम्राज्ञी राज्यलक्ष्मी शाह एकअर्को बाहुपासमा प्रेमिल भावमा बाँधिएका छन् भने अर्कोतर्फ डेब्यू अभिनेत्रीले अभिनेता कविर खड्कालाई आफ्नो अँगालोमा कसेकी छन्।

ट्राभल लभस्टोरी जनारामा निर्माण भएको सिनेमालाई घनश्याम लामिछानेले निर्देशन गरेका हुन्।

सिनेमामा साम्राज्ञी, निश्चल, कविर र गरिमाको साथमा रुष्मा थापा, मनिष श्रेष्ठ तथा मनिष गान्धीको प्रमुख अभिनय छ ।

अभेद परवको डीओपी, हर्कुलश बस्नेत, एसडी योगी, बियोण्ड र सलिन मगरको संगीत तथा सजु चन्द्रनको सम्पादन रहेको सिनेमामा सुजिल कर्माचार्यको पार्श्व संगीत र लंगनेस फर्नान्डेजको कोरियोग्राफी रहेको छ।

सिनेमाको कथा, पटकथा र संवाद प्रदीप भारद्धाजले लेखेका हुन् ।

एबी इन्टरनेसनलको प्रस्तुति रहेको सिनेमामा गौतम प्रोडक्सन र अर्चिड भेस फिल्मस् लिमिटेडले निर्माण सहकार्य गरेका छन्। सनिश खकुरेल र अजित केआर थापा सिनेमाको सह-निर्माता हुन् भने अंकित गौतम, सुरज कुँवर र विजय भण्डारी यसका कार्यकारी निर्माता हुन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एनपीएल : क्रिकेट मैदानमा जमेका डाक्टर

पूर्वी युक्रेनका थप दुई गाउँ कब्जामा लिएको रूसको दाबी

साई सहकारी ठगी प्रकरण: जंगम र दाहाललाई ५ दिन हिरासतमा राख्न अनुमति