भ्रष्टाचार मुद्दामा लिखु तामाकोशी गाउँपालिका पूर्वअध्यक्ष खड्कालाई १ करोड ९९ लाख जरिवाना र ६ महिना कैद

सुरक्षा/अपराध

नेपाल लाइभ मंगलबार, चैत १३, २०८० ०८:१८

काठमाडौं- विशेष अदालतले रामेछापको लिखु तामाकोशी गाउँपालिका पूर्वअध्यक्ष गोविन्दबहादुर खड्कालाई भ्रष्टाचार मुद्दामा दोषी ठहर गरेको छ। विशेष अदालतले खड्कासहित पाँच जनालाई दोषी ठहर गरेको हो।

अख्तियार दुरुपयोग अनुसन्धान आयोगले विद्युतीय कारोबार गर्दा भ्रष्टाचार भएको भन्दै २७ जना विरुद्ध मुद्दा चलाएको थियो। उनीहरुमध्ये पाँच जना दोषी ठहर भएका छन् भने २२ जनाले सफाइ पाएका छन्।

खड्कासहित राजु प्रसाद न्यौपाने, टंकप्रसाद चौलागाई, दुर्गा बहादुर तामाङ र नोर्बु लामालाई अदालतले दोषी ठहर गरेको हो। खड्कालाई १ करोड ९९ लाख जरिवाना र ६ महिना कैद सजाय सुनाइएको छ।

त्यसैगरी न्यौपाने र चौलागाईंको एकमा जनही ३ महिना कैद र ६३ लाख जरिवाना हुने भएको छ। तामाङ र लामाको हकमा जनही ३ महिना कैद र रु ३१ लाख जरिवाना हुने भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड