काठमाडौं- कोटेश्वरमा बसको ठक्करबाट घाइते भएका ट्राफिकका प्रहरी नायव निरीक्षक (सई) टोपबहादुर खत्रीको निधन भएको छ।
बसको ठक्करबाट गम्भीर घाइते भएका सई खत्रीको उपचारको क्रममा निधन भएको हो। माइतीघरस्थित अन्नपुर्ण न्यूरो अस्पतालमा उनको मृत्यु भएको उपत्यका ट्राफिक प्रहरी कार्यालयका एसएसपी जीवन श्रेष्ठले बताए।
फागुन २० मा जुनेली यातायातको प्रदेश–३–०१–००५ ख ९७५५ नम्बरको बसको ठक्करबाट सई खत्री गम्भीर घाइते भएका थिए।
बसका चालक नवराज गिरीलाई भने प्रहरीले यसअघि नै पक्राउ गरेको थियो। सई खत्रीको निधन भएसँगै उनीमाथ सवारी ज्यान सम्बन्धी कसुरमा मुद्दा चलाइने प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
