काठमाडाै- इजिप्ट हाल जारी इजरायली घेराबन्दी र बमबारीको सामना गरिरहेको प्यालेस्टिनी गाजा पट्टीमा मानवीय सहायता पठाउन अन्तर्राष्ट्रिय अभियानमा सामेल भएको छ ।
इजिप्टको वायुसेनाका सदस्यहरू जोर्डनबाट गाजामा सहायता पठाउनको लागि अन्तर्राष्ट्रिय गठबन्धनमा भाग लिने बताइएको हो । जोर्डन, संयुक्त राज्य अमेरिका, फ्रान्स, नेदरल्याण्ड्स र बेल्जियमले पनि अभियानमा भाग लिएका छन् । तत्काल मानवीय र राहत सहायताले उत्तरी गाजाका प्रभावित क्षेत्रहरूलाई लक्षित गरेको छ ।
इजिप्टका अधिकारीहरूले गाजामा पठाइएको कुल राहत सामग्रीको ८० प्रतिशतभन्दा बढी वितरणमा इजिप्टले योगदान गरेको बताएका छन् । गत वर्ष अक्टोबर ७ मा गाजा–सत्ताधारी इस्लामिक प्रतिरोध आन्दोलन (हमास) ले इजरायली सहरहरूमा हमला गरेपछि इजरायलले गाजामा ठूलो अभियान चलाएको थियो ।
जसमा करिव १ हजार २०० इजरायलीहरू मारिए र २०० भन्दा बढीलाई बन्धक बनेका थिए ।
गाजाको स्वास्थ्य मन्त्रालयले बिहीवार जारी गरेको पछिल्लो तथ्याङ्कअनुसार इजरायली आक्रमणमा ३० हजार ८ सय प्यालेस्टिनी मारिएका छन् भने ७२ हजार २९८ जना घाइते भएका छन् ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।