चिनियाँ सुन तस्कर दावाजिन र दावालाई नेपाली नागरिकता दिलाएको आरोपमा एक अधिकृत पक्राउ

सुरक्षा/अपराध

नेपाल लाइभ बिहीबार, फागुन २४, २०८० १३:४८

काठमाडौं– सुन तस्करीमा संलग्न दुई चिनियाँ नागरिकलाई नेपाली नागरिकता दिएको आरोपमा एक अधिकृत पक्राउ परेका छन्।

जिल्ला प्रहरी कार्यालय मकवानपुरले हेटौंडा–१० स्थित बागमती प्रदेशसभा सचिवालयमा कार्यरत अधिकृत छैटौं तहमा कार्यरत रहेका रामचन्द्र अर्याललाई पक्राउ गरेको हो।

मकवानपुरका एसपी सिताराम रिजालका अनुसार काभ्रे प्रहरीको अनुरोधको अर्याललाई पक्राउ गरिएको हो। केही समयअघि मात्रै अर्याल यातायात कार्यालय ठूलो भर्‍याङबाट काठमाडौंबाट सरुवा भएर बागमती प्रदेश सभा सचिवालयमा पुगेका थिए।

अर्यालमाथि काभ्रेमा रहँदा दुई चिनियाँ नागरिक दावा छिरिङ र दावावाजिन वाङलाई वंशजको नागरिकता दिलाएको आरोप छ। यी दुई जना पक्राउ परेर अहिले पुर्पक्षका लागि कारागारमा छन्। उनीहरुले नागरिकता लिएको बेला अर्याल जिल्ला प्रशासन कार्यालय काभ्रेमा नासुको रुपमा कार्यरत रहेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आज पृथ्वी जयन्ती तथा राष्ट्रिय एकता दिवस मनाइँदै

सार्वजनिक सेवा प्रवाह सहज बनाउन सरकारले ल्यायो अध्यादेश, यस्ता छन् अरु सुविधा

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय