काठमाडौं– अख्तियार दुरुपयोग अनुसन्धान आयोगले अनावश्यक सल्लाहाकारहरु नियुक्त नगर्न भन्दै स्थानीय तहहरुलाई सुझाव दिएको छ। काभ्रेका स्थानीय तहहरुले ऐन विपरीत सल्लाहारहरु नियुक्त गरेको भन्दै परेको उजुरीको छानबिनपछि अख्तियारले उक्त सुझाव दिएको हो।
स्थानीय तहका पदाधिकारी तथा सदस्यले पाउने सुविधा सम्बन्धमा व्यवस्था गर्न बनेको ऐन २०७५ विपरीत सरकारी रकमको दुरुपयोग गर्दै अनावश्यक रुपमा स्थानीय तहहरुले प्रेस सल्लाहाकार, कानुनी सल्लाहकार, स्वकीय सचिव नियुक्त गरी सरकारी रकमको भ्रष्टाचार हुने गरेको भन्दै २०७९ साउन १८ गते अत्ख्तियारमा उजुरी परेको थियो।
उक्त उजुरीमाथि छानबिन गर्दै आयोगले यही माग १० गते संघीय मामिला तथा सामान्य प्रशासन मन्त्रालयलाई ऐन विपरीत सरकारी रकमको दुरुपयोग गर्दै अनावश्यक रुपमो प्रेस सल्लाहाकार, कानुनी सल्लाहकार, स्वकीय सचिव नियुक्त नगराउन भन्दै सुझाव दिएको छ।
महालेखा परीक्षकको कार्यालयको वार्षिक प्रतिवेदनमा समेत अनावश्यक विभिन्न सल्लाहाकारहरु नियुक्त गरी सरकारी रकम दुरुपयोग हुने गरेका विषयहरु औंल्याइएको भन्दै अख्तियारले यस्ता नियुक्ति नगर्न भन्दै मन्त्रालयलाई सुझाव पठाएको छ।
-1707475288.jpg)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
