पेरिस- फ्रान्सेली पीडितहरूलाई श्रद्धाञ्जली दिनका लागि बुधबार आयोजित एक समारोहमा फ्रान्सका राष्ट्रपति इम्यानुएल म्याक्रोनले इजराइलमाथि हमासले अक्टोबर ७ मा गरेको आक्रमणलाई ‘हाम्रो शताब्दीको सबैभन्दा ठूलो यहुदी-विरोधी नरसंहार’ भएको बताएका छन्।
उनले प्यालेस्टिनी लडाकु समूहको आक्रमणलाई बर्बरता भन्दै ऊ यहुदी-विरोधबाट सिञ्चित भई यसको प्रचार गर्ने गरेको बताए। साथै उनले व्यापक यहुदी–विरोधसामु नझुक्ने वाचा समेत गरे।
पेरिसमा इनभेलाइड्स मेमोरियल कम्प्लेक्समा आयोजित समारोहमा हमासद्वारा इजराइलमा मारिउका ४२ फ्रान्सेली नागरिकलाई श्रद्धाञ्जली अर्पण गरिएको थियो। अन्य तीन नागरिक बेपत्ता छन् र उनीहरूलाई बन्धक बनाइएको विश्वास गरिएको छ।
राष्ट्रपति म्याक्रोनले बाँकी फ्रान्सेली बन्धकहरूको रिहाइका लागि ‘हरेक दिन’ काम गर्ने बताए। उनले तिनीहरूको कुर्सी खाली रहेको बताए। ‘कुनै पनि कुराले आतङ्कवादलाई न्यायोचित भन्न सकिँदैन र माफ गर्न सकिँदैन,’ उनले भने। म्याक्रोनले गाजापट्टीमा इजराइलको बमबारीबाट फ्रान्सेली पीडितहरूलाई सम्झिने अवसर प्रदान गर्ने बताए।
आधिकारिक इजराइली आँकडाको आधारमा अहिलेसम्म सबैभन्दा रक्तपातपूर्ण गाजा युद्ध अक्टोबर ७ मा इजराइलमाथि हमासको अभूतपूर्व आक्रमणका साथ सुरु भएको हो। उक्त आक्रमणमा अधिकांश सर्वसाधारण सहित करिब एक हजार एक सय ६० व्यक्तिको मृत्यु भएको थियो।
हमास लडाकूहरूले करिब दुई सय ५० बन्धकलाई आफ्नो कब्जामा लिएका छन्। इजराइलले गाजामा एक सय ३२ रहेका र तिनमा २९ जनाको मृत्यु भइसकेको बताएको छ।
-एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
