काठमाडौं– सामसङको नयाँ ग्यालेक्सी एस २४ सिरिजको फोन नेपालमा पनि सार्वजनिक भएको छ। केही दिन अगाडि काठमाडौंमा एक कार्यक्रम गरेर नयाँ ग्यालेक्सी एस २४ सिरिज सार्वजनिक गरिएको हो।
सामसङले नयाँ ग्यालेक्सी एस २४ सिरिजलाई ‘भविष्यको फोन’को रुपमा परिभाषित गरेको छ। आर्टिफिसियल इन्टेलिजेन्स (एआई) सञ्चालित फोनले ग्यालेक्सी विशेष पर्फर्मेन्स र अनुभवलाई जोड्ने सामसङ नेपालका निर्देशक प्रणय रत्न शाक्य बताउँछन्।
ग्यालेक्सी एस २४ सिरिजका फोनले नेटिभ कल एपभित्र वास्तविक समयमा दुईतर्फी कलमा प्रत्यक्ष रुपमै भाषा अनुवाद सुविधा प्रदान गर्ने कम्पनीले बताएको छ। फोन गर्ने अर्को व्यक्तिले जस्तोसुकै फोन प्रयोग गरे पनि ग्यालेक्सी एस २४ सिरिजको फोन प्रयोगकर्ताले १३ वटा भाषाहरुमा रियल टाइम टेक्स्ट र अडियो अनुवादको सुविधा उपयोग गर्न सक्नेछन्।
कम्पनीले फोनमा उपलब्ध ग्यालेक्सी एआई अधिक सुरक्षित रहेको दाबी पनि गरेको छ। किनकि यो प्रणाली बाह्य क्लाउड प्रणालीमा निर्भर भर पर्ने नभइ फोनमा नै सञ्चालन गर्दछ।
कम्पनीका अनुसार फोनमा रहेको अर्को विशेष फिचर हो– सर्कल टु सर्च। जसले प्रयोगकर्ताका लागि सहज रूपमा आफ्नो फोनमा कुनै पनि कुराका लागि सरल इसारामा र एप स्विच नगरीकन खोज्ने नयाँ तरिका प्रदान गर्छ। नवीन खोज गर्ने सुविधाका साथमा ग्यालेक्सी एस २४ सिरिजले प्रयोगकर्ताको व्यक्तिगत जानकारी पनि सुरक्षित गर्ने कम्पनीको दाबी। सामसङले प्रयोगकर्ताको खोज प्रक्रियालाई पूर्ण पारदर्शी बनाउन गुगल खोजीका लागि सुरक्षित उपकरण विकास गरेको बताइएको छ।
ग्यालेक्सी एस२४ अल्ट्राको नयाँ प्रोभिजुअल इन्जिनद्वारा सञ्चालित एआई उपकरणले प्रयोगकर्ताको सिर्जनात्मक स्वतन्त्रतालाई थप बढाउने कम्पनीको दाबी छ। मोबाइल सार्वजनिक अवसरमा ग्यालेक्सी एस२४ अल्ट्रासँग लोकप्रिय के–पप ग्रुप टुमरो एक्स टुगेदरको कन्सर्ट भिडियो पनि प्रोडक्ट ब्रिफिङ देखाइएको थियो।
ग्यालेक्सी एस२४ सिरिजका साथमा प्रयोगकर्ताले आफ्ना मन पर्ने सोसल मिडिया एपमा ग्यालेक्सी नेटिभ क्यामेरा अनुभवको फाइदा लिन सक्नेछन्। एआइको शक्ति फोटोमा मात्र सीमित नभइ भिडियोमा पनि फैलिएको कम्पनीले बताएको छ। गुगलसँगको साझेदारीमार्फत् प्रयोगकर्ताले अब सजिलैसँग सबै एन्ड्रोइड उपकरण र विन्डोज पीसीमा फाइल साझेदारी गर्न सक्ने कम्पनीले जनाएको छ।
ग्यालेक्सी एस २४ सिरिजमा ग्यालेक्सीका लागि क्वाल्कम स्न्यापड्रागन ८ जेन ३ मोबाइल प्लेटफर्म र सामसङको एक्सिनोस २४०० सुविधा जडान गरिएकाले डिभाइसले द्रुत गतिमा काम गर्ने कम्पनीको दाबी छ।
ग्यालेक्सी एस २४ सिरिजको ब्याट्री कार्यसम्पादन निरन्तर अप्टिमाइज गरिएको छ। ग्यालेक्सी एस २४ अल्ट्रा डिजाइनले ग्यालेक्सी स्मार्टफोनमा पहिलो पटक अतुलनीय प्रिमियम अनुभूति र परिष्कृत स्थायित्वका लागि टाइटेनियम प्रयोग गरिएको कम्पनीद्ये जनाएको छ। अहिले सम्मको सबैभन्दा पातलो मोडल, डिभाइसमा एस पेनसँग मिल्दो फ्ल्याट फ्रन्ट एज डिस्प्लेसहितको टिकाउ स्क्रिन रहेको छ।
कम्पनीका अनुसार महत्त्वपूर्ण जानकारी सुरक्षित गर्न हार्डवेयरका लागि ग्यालेक्सी एस २४मा सामसङ नक्स जडित छ। यसले रियल–टाइम खतरा पत्ता लगाउने र सहयोगीका साथ कमजोरीविरुद्ध सुरक्षा दिने कम्पवनीको भनाइ छ। ग्यालेक्सी एस २४ मा नक्स भल्ट, सेक्युरिटी र प्राइभेसी ड्यासबोर्ड, अटो ब्लकर, सेक्योर वाइफाई, प्राइभेट सेयर, मेन्टेनेन्स मोडलगायतका नवीन सुरक्षा र गोपनीय सुविधा रहेका छन्।
ग्यालाक्सी एस २४ मा ७ जेनेरेसनका लागि ओएस अपग्रेड र ७ वर्षका लागि सुरक्षा अपडेट उपलब्ध हुने कम्पनीले जनाएको छ।
नेपालमा यही माघ ३ गतेदेखि ग्यालेक्सी एस २४ सिरिजका लागि प्रि–बुक खोलिएको थियो। सामसङले एनसेलसँग सहकार्य गरी पहिलो ५०० ग्राहकलाई प्रिमियम सिम पनि उपलब्ध गराएको छ।
सबै प्रि–अर्डर स्टक घोषणा भएको ३ दिनभित्रै बुक गरिएको कम्पनीले जनाएको छ। कम्पनीले ग्यालेक्सी एस २४को मूल्य १ लाख ९९ हजार ९९९, ग्यालेक्सी एस २४ अल्ट्राको मूल्य १ लाख ८४ हजार ९९९, ग्यालेक्सी एस २४ प्लसको मूल्य १ ४२ हजार ९९९ र ग्यालेक्सी एस २४ बेसको मूल्य ११९, ९९९ रुपैयाँ पर्ने जनाएको छ।
देशभरका आधिकारिक सामसङ स्टोरमा उपलब्ध यी फोन कम्पनीले शून्य प्रतिशत ब्याजदरमा ईएमआई सुविधासहित बिक्री गरिने घोषणा गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
