होटल स्क्वायरका सञ्चालक पक्राउ, ज्यान मार्ने उद्योगमा अनुसन्धान सुरु

सुरक्षा/अपराध

नेपाल लाइभ आइतबार, माघ ७, २०८० १२:४८

काठमाडौं- ललितपुरको होटल स्क्वायरका सञ्चालक ललिता देवकोटा भण्डारी पक्राउ परेकी छिन्। जिल्ला प्रहरी परिसर ललितपुरले भण्डारीलाई शनिबार पक्राउ गरेको हो।

ललितपुर महानगरपालिका-३ मा सञ्चालित होटल स्क्वायरको स्विमिङ पुलमा पौडी खेल्दा मानभवनका सजिलमान शाक्य विगत पाँच महिनादेखि गम्भीर भएर अचेत भएको घटनामा अनुसन्धान गर्न भण्डारीलाई पक्राउ गरिएको प्रहरीले जनाएको छ।

शाक्य भदौ १४ गतदेखि अचेत अवस्थमा छन्। पीडितका परिवारले जाहेरी दिएपछि पक्राउ पूर्जी जारी भएको थियो। त्यसपछि भण्डारीलाई नियन्त्रणमा लिएर अनुसन्धान सुरु गरिएको ललितपुर परिसरका एसपी तथा प्रवक्ता नवराज कार्कीले बताए। एसपी कार्कीले उनी विरुद्ध ज्यान मार्ने उद्योगको कसुरमा अनुसन्धान सुरु गरिएको बताए।

भण्डारीसँगै होटलकी प्रबन्ध निर्देशक रोमी अर्याल विरुद्ध पनि पत्राउ पूर्जी जारी भएको छ। तर उनी भने अहिलेसम्म फरार छिन्।

भदौ १४ मा दिउँसो साढे ३ बजे होटलको स्विमिङ पुलमा करेन्ट फैलिएर ४१ वर्षीय सजिलमान घाइते भएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

डढेलोका कारण धुवाँ फैलिएपछि लस एन्जलसका बासिन्दालाई घरभित्रै बस्न आग्रह

सिद्धान्त मिल्नेसँग पार्टी एकता हुन्छ : कमल थापा

जानकी मन्दिरमा सवा लाख दीप प्रज्वलन( तस्विरहरु)