रक्सीले मातेका बेला रड प्रहार गरी श्रीमतीको हत्या, खोजी गरिदिन भन्दै छिमेकीसँग गुहार

सुरक्षा/अपराध

नेपाल लाइभ आइतबार, माघ ७, २०८० ०९:०१

दाङ– रडले हानेर श्रीमतीको हत्या गरेको आरोपमा दाङ प्रहरीले १ जनालाई पक्राउ गरेको छ। रक्सीले मातेको बेला श्रीमतीको हत्या गरेको अभियोगमा प्रहरीले तुलसीपुर उपमहानगरपालिका–४ तल्लो हलवारका ४३ वर्षीय पेण्डुवा चौधरीलाई पक्राउ गरेको हो।

प्रहरीका अनुसार पेण्डुवाले शनिबार राति ४२ वर्षीया श्रीमती लक्ष्मी चौधरीको टाउकोमा रड प्रहार गरी हत्या गरेका थिए। इलाका प्रहरी कार्यालय तुलसीपुरका प्रमुख डिएसपी ठाकुरप्रशाद पोखरेलको नेतृत्वमा गएको २० जनाको प्रहरी टोलीले हत्या आरोपी पेण्डुवालाई शनिबार राति नै नियन्त्रणमा लिएको थियो।

शनिबार राति सवा १० बजेतिर मदिराले मातेका पेण्डुवाले घर भित्रै श्रीमती लक्ष्मीलाई स्टिलको रडले टाउकोमा प्रहार गरेको र उनको घटनास्थलमै मृत्यु भएको जिल्ला प्रहरी प्रवक्ता डिएसपी जनकबहादुर मल्लले जानकारी दिए।

पेण्डुवाले श्रीमतीको हत्यापछि आफ्नी श्रीमती हराएको भन्दै खोजी गरिदिन छिमेकीलाई गुहारेका थिए। सहयोगका लागि पुगेका दुई छिमेकीलाई पनि पेण्डुवाले रड प्रहार गरी घाइते तुल्याएका थिए।

घाइते छिमेकी एक युवा र एक महिला भने उपचारपछि राति नै घर फर्किसकेको प्रहरीले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

डढेलोका कारण धुवाँ फैलिएपछि लस एन्जलसका बासिन्दालाई घरभित्रै बस्न आग्रह

सिद्धान्त मिल्नेसँग पार्टी एकता हुन्छ : कमल थापा

जानकी मन्दिरमा सवा लाख दीप प्रज्वलन( तस्विरहरु)