‘गाउँ आएको बाटो' युरोपको प्रतिष्ठित गोटेबर्ग फिल्म महोत्सवमा

सिनेमा

नेपाल लाइभ बिहीबार, पुस २६, २०८० १२:१०

काठमाडौं– नवीन सुब्बा निर्देशित 'गाउँ आएको बाटो' युरोपको महत्वपूर्ण फिल्म महोत्सव '४७औँ गोटेबर्ग अन्तर्राष्ट्रिय फिल्म महोत्सव, २०२४' स्वीडेनमा छनोट भएको छ।

यही महोत्सवमा सिनेमाको युरोपियन प्रिमियर हुने जानकारी निर्माण पक्षले दिएको छ। गोटेबर्ग अन्तर्राष्ट्रिय फिल्म महोत्सव स्केन्डेभियन क्षेत्रको सबै भन्दा ठूलो महोत्सव मात्र नभएर युरोपको पनि महत्वपूर्ण फिल्म महोत्सव हो।

गोटेबर्ग अन्तर्राष्ट्रिय फिल्म महोत्सव , २०२४ जनवरी २६ देखि फेब्रुवरी ४ सम्म चल्नेछ। 'गाउँ आएको बाटो'मा दयाहाङ राई , पशुपति राई , प्रसन राई ,केशव राई , सुमित्रा राई , राज थापा र प्रेम सुब्बा लगायतका कलाकारले अभिनय रहेको छ। यो सिनेमाको टोरोन्टो फिल्म महोत्सवमा विश्व प्रिमियर भएको थियो भने वुसान अन्तर्राष्ट्रिय फिल्म महोत्सव, एशियन प्रिमियर , मामी मुम्बईमा साउथ एशियन प्रिमियर भइसकेको छ।

निर्माण पक्षले सिनेमा विश्वको एकपछि अर्को प्रतिष्ठित फिल्म महोत्सवमा छनोट हुनुलाई नेपाली फिल्मलाई विश्वले स्वीर्कान थालेको र नेपाली फिल्मको क्षमता विस्तारका रुपमा बुझ्न सकिने प्रतिक्रिया दिएको छ।

राई जातिको सामाजिक पृष्ठभूमिमा बनेको यस फिल्ममा गाँउमा सडक आए पछि बाबु छोराको सम्बन्धमा आउने उतारचढावलाई नियाल्ने प्रयास गरिएको छ। सामुदायिक लगानीको अवधारणामा यो फिल्म निर्माण भएको हो।

'गाउँ आएको बाटो' देशभित्र र विश्वका विभिन्न देशहरूमा छरिएर रहेका नेपालीहरूको सामूहिक लगानी छ। यो फिल्म छोमोलोङमा प्रोडक्सन र गाँउघर फिल्म प्रडक्सनको सहयोगमा मेन्छ्याम पिक्चर्सको ब्यानरमा निर्माण भएको हो।

नेपालमा यो सिनेमा बाँसुरी फिल्मसको संयोजनमा नेपालमा २०८१ जेठ १८ बाट सार्वजनिक प्रर्दशनमा आउने छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

तीन उपकुलपति नियुक्त

दुई खर्ब भन्दा बढीले बढ्यो वैदेशिक सहायता

सम्पति शुद्धीकरण निवारणमा नेपालको अवस्था सुधार्न उच्चस्तरीय बैठक