धनगढी– बस दुर्घटनामा धनगढी जुगेडाकी एक उसु खेलाडीको मृत्यु भएको छ भने ११ जना घाइते भएका छन्।
हेटौंडास्थित मकवानपुरमा आयोजित अन्तर प्रदेश स्तरीय उसु प्रतियोगितामा सहभागी भएर धनगढी फर्किने क्रममा भएको दुर्घटनामा धनगढी १२ जुगेडाकी १८ वर्षीया निता खड्काको मृत्यु भएको जनाइएको हो।
कपिलवस्तुको चन्द्रौटाबाट करिब १५ किमी पश्चिम स्थित चोरखोलामा राति एक बजे उसु खेलाडीहरु चढेको सुप यातायात सुप यातायातको ३३९२ नम्बरको बसलाई ट्रकले ठक्कर दिएको थियो।
घाइते भएकी खड्कालाई उपचारका लागि तत्काल बुटवलस्थित लुम्बिनी प्रदेश अस्पताल लगिएको थियो।
जहाँ उनलाई चिकित्सकले मृत घोषणा गरेका थिए। यस्तै उसु खेलाडी पुष्पा कुवँरको हात भाँचिएको छ। मकवानपुर जिल्ला उसु संघ हेटौंडाका सचिव विश्वनाथ पाठकले धनगढीबाट गएको ट्रक र सँगै पछाडिबाट आइरहेको ट्रकले ओभरटेक गर्दा विपरीत दिशाबाट आइरहेको बस दुर्घटनामा परेको बताए।
साथै मकवानपुर जिल्ला उसु संघ हेटौंडाका सचिव विश्वनाथ पाठकले सो घटनाप्रति दुख व्यक्त गरेका छन्। यस्तै कैलाली जिल्ला खेलकुद विकास समितिका उसु खेदकुद सहायक प्रशिक्षक रतन खातीले सांघुरो बाटो भएकाले ओभरटेक गर्दा बस दुर्घटनामा परेको बताएका छन्।
बस पल्टिँदा विद्यार्थी खसेकाले च्यापिएर मृत्यु भएको उनले बताए। बसमा उखु खेलाडी ३४ जना र अन्य ८ जना सवार रहेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
