कोशी प्रदेशको बजेटबारे राप्रपाको टिप्पणी– पूर्वाग्रही ढंगले आएको छ

अर्थ समाचार

नेपाल लाइभ मंगलबार, मंसिर १२, २०८० १३:५०

काठमाडौं– कोशी प्रदेश सरकारले ल्याएको बजेट पूर्वाग्रही ढङ्गको रहेको भन्दै राप्रपाले आपत्ति जनाएको छ। प्रदेश सभामा जारी विनियोजन विधेयक माथिको छलफलमा सहभागी हुँदै राप्रपा संसदीय दलका नेता भक्ति सिटौलाले उक्त टिप्पणी गरेका हुन्।

‘बजेट पूर्वाग्रही ढङ्गले आएको छ। बजेट निश्चित क्षेत्रमा मात्रै केन्द्रित भएको छ। अस्ति विनियोजन भएको नकाट्ने, तर केही आकार घट्न सक्नेमा हामी सहमत भएका थियौँ। तर अधिकांश बजेट काटिएको छ,’ सिटौलाले भने।

मुख्यमन्त्री केदार कार्कीले शनिबार पूर्ववती सरकारले ल्याएको बजेट अध्यादेशलाई प्रतिस्थापन गर्दै नयाँ बजेट ल्याएका थिए। सोही बजेटमाथि प्रदेश सभामा छलफल जारी छ।

सांसद सिटौलाले बजेटमा पूनर्विचार नगर्ने हो भने सरकारको भविष्यमाथि नै प्रश्न चिह्न उठ्ने समेत चेतावनी दिएका छन्।

‘यदि सरकारले यस्तै पाँडे पजनी (जसलाइ मन लाग्यो त्यसलाइ दिने) ढङ्गले बजेट विनियोजन गर्ने हो भने सरकारको भविष्य के हुने? यसमा पूनर्विचार गर्न आग्रह गर्छु,’ उनले भने, ‘अन्यथा सरकारको भविष्यमाथि प्रश्न चिह्न खडा हुन्छ।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अर्जुन ट्रफीमा फाइनल प्रवेशका अत्तरिया र धनगढी भिड्दै

क्यारिबियन सागरमा ७.६ म्याग्निच्युडको भूकम्प

प्रतिनिधिसभा बैठक बस्दै, यस्तो छ कार्यसूची