बागलुङमा ट्याक्सी दुर्घटना, २ जनाको मृत्यु

समाचार

नेपाल लाइभ मंगलबार, कात्तिक २१, २०८० ०८:१३

बलेवा– बागलुङमा ट्याक्सी दुर्घटना हुँदा २ जनाको मृत्यु भएको छ। मध्यपहाडी लोकमार्गअन्तर्गत बागलुङको ढोरपाटन नगरपालिका–२ मलकटिबाङमा ट्याक्सी दुर्घटना भएको हो।

बडिगाड गाउँपालिकाबाट ढोरपाटन नगरपालिकातर्फ जाँदै गरेको ध१ज ९९४ नम्बरको ट्याक्सी सोमबार राति मध्यपहाडी लोकमार्गमा पर्ने ढोरपाटन–२ मलकटिबाङमा दुर्घटना भएको जिल्ला प्रहरी कार्यालय बागलुङले जनाएको छ।

दुर्घटनामा ट्याक्सीमा सवार बागलुङको ढोरपाटन नगरपालिका–२ पाखुटेका २८ वर्षीय होमबहादुर पुन र बडिगाड–६ छिसफाँटका ३२ वर्षीय अस्विन परियारको मृत्यु भएको प्रहरी नायब उपरीक्षक (डीएसपी) मदन केसीले जानकारी दिए।

ट्याक्सी सडकबाट १०० मिटर तल खसेको थियो। प्रहरीका अनुसार दुवै जनाको घटनास्थलमा नै मृत्यु भएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आजका लागि यस्तो छ विदेशी मुद्राको विनिमय दर

ट्रम्पको आश्वासनपछि अमेरिकामा चल्न थाल्यो टिकटक

आजको मौसम: तराईमा हुस्सु, कर्णालीका केही ठाउँमा हिमपातको सम्भावना