इजरायलमा मारिएका ३ जना नेपाली विद्यार्थीको शव सुर्खेत पुर्‍याइयो

समाचार

नेपाल लाइभ आइतबार, कात्तिक १९, २०८० १३:३८

काठमाडौं– प्यालेस्टिनी लडाकु समूह हमासको आक्रमणबाट इजरायलमा मारिएका ३ जना नेपाली शव नेपाली सेनाको हेलिकोप्टरमार्फत् सुर्खेत पुर्‍याइएको छ।

इजरायलमा मारिएका सल्यानको शारदा–३ का प्रवेश भण्डारी, डोटीको लामिखाल–८ का पदम थापा र डोटीकै पचनालीका राजन फुलाराको शव नेपाली सेनाको हेलिकोप्टरमार्फत सुर्खेत लगिएको हो।

सुर्खेतबाट भण्डारीको शव दाङ र थापा तथा फुलाराको शव हेलिकोप्टरमार्फत नै डोटी लगेर आफन्तलाई बुझाइने छ।

यस अघि बझाङको जयपृथ्वी–६ का गणेशकुमार नेपाली, दार्चुला मालिकार्जन–४ का लोकेन्द्रसिंह धामी, दार्चुला लेकम–५ का दीपेशराज विष्ट, धनुषा सापही–६ का आनन्द शाह, कैलाली घोडाघोडी–४ का नारायणप्रसाद न्यौपाने, सुनसरी मधुवन–१ का राजेशकुमार स्वर्णकार र कैलाली बौनियाँ–३ का आशीष चौधरीको शव नेपाल ल्याइएर आफन्तलाई बुझाइसकिएको छ।

असोज २० गते हमास समूहको आक्रमणमा परी १० नेपाली विद्यार्थीको मृत्यु भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चितवनमा युवक कुट्ने प्रहरी निलम्बित

बैंकिङ् सिस्टममा अराजकत गतिविधिहरु भईरहेको छ : गभर्नर अधिकारी

सुनको मूल्य घट्यो