पश्चिम नेपालमा भूकम्प: ३६ जनाको मृत्यु, ४७ घाइते

समाचार

नेपाल लाइभ शनिबार, कात्तिक १८, २०८० ०५:५७

काठमाडौं- पश्चिम नेपालमा ठूलो भूकम्प गएको छ। शुक्रबार राति ११:४७ बजे पश्चिम नेपालको कर्णाली प्रदेशस्थित जाजरकोटलाई केन्द्रविन्दु बनाएर ६.४ म्याग्निच्युडको भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ।

भूकम्पमा परी जाजरकोट र रुकुम पश्चिममा ३६ जनाको मृत्यु भएको छ। भने ४६ जनाभन्दा बढी घाइतेको कर्णाली प्रदेश प्रहरी प्रमुख डीआईजी भीम ढकालले जानकारी दिए। भूकम्पमा परी घाइते भएकाहरूलाई उपचारको लागि जिल्ला अस्पतालमा पुर्‍याइएको छ।

भूकम्पले घरहरु भत्किएको थाहा हुनासाथ उद्धारका लागि कर्णाली प्रदेश प्रहरी कार्यालयबाट ४० र २० गरी ६० जनाको उद्धार टोली परिचालन गरिएको छ।

भूकम्पबाट जाजरकोटको खलंगामा केही घरहरू भत्किएको बारेकोट गाउँपालिकाका प्रमुख प्रशासकीय अधिकृत डिनायट घर्तीले जानकारी दिए। सल्यान र रोल्पामा पनि केही घर भत्किएको त्यहाँका प्रहरीले बताएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चितवनमा युवक कुट्ने प्रहरी निलम्बित

बैंकिङ् सिस्टममा अराजकत गतिविधिहरु भईरहेको छ : गभर्नर अधिकारी

सुनको मूल्य घट्यो