काठमाडौं– भदौ ९ गतेबाट वेपत्ता भएका बाजुरामा कार्यरत पत्रकार तेजबहादुर खड्काको खोजी कार्य मौसमी प्रतिकुलताका कारण रोकिएको छ। पत्रकार खड्का बुढीनन्दा माईको दर्शन गरेर घर फर्किने क्रममा बेपत्ता भएका थिए।
खड्काको उद्धारका लागि नेपाल प्रहरी, नेपाली सेना र स्थानीयबासी समेत खटिएका थिए। तर उनको उद्धारका लागि गएको रस्क्यु टोली प्रतिकुल मौसमका कारण सम्भव नभएपछि बुधबार नै सदरमुकाम फर्किएको जिल्ला प्रहरी कार्यालय बाजुराका निमित्त प्रमुख प्रकाश सिंह भण्डारीले जानकारी दिए। डोटी जिल्ला दिपायल सिलगढी नगरपालिका– १ स्थायी घर भएका तेजबहादुर खड्का बाजुरास्थित कोल्टमिा रहेको रेडियो बुढिनन्दामा एक वर्ष यतादेखि कार्यरत थिए।
मित्त प्रमुख भण्डारीका अनुसार खड्का बाजुरा जिल्लाको प्रशिद्ध धार्मिकस्थल बूढीनन्दा माईको दर्शन गरेर फर्किने क्रममा वेपत्ता भएका थिए।
पत्रकार खड्का बड्डी पाटन तथा लौरी विनायक ठाउको बाटो हुँदै आउने छापे्र भराण क्षेत्रमा हराएको हुनसक्ने प्रहरीको आसंका छ। प्रहरीका अनुसार सो स्थानबाट एकचोटी यात्रा गरेर फर्कन निकै कठिन पर्ने ठाउँ हो।
प्रहरीका अनुसार खड्का वेपत्ता भएको ठाउँ करिब ४२ सय मिटरको उचाईमा रहेको छ। उचाईका कारण खोजी कार्यमा गएका सदस्यहरुलाई लेक लाग्ने समस्या भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1781580295.jpg)
-1764146706.png)
