काठमाडौं– १९औँ एसियाली खेलकुद, २०२२ अन्तर्गत मंगलबारसम्म ५८२ पदकको छिनोफानो भएको छ। मंगलबारसम्मको खेल प्रदर्शनका आधारमा चीन १६१ स्वर्ण, ९० रजत र ४६ कास्यसहित २९७ पदक प्राप्त गर्दै शीर्ष स्थानमा रहेको छ।
यस्तै, जापान ३३ स्वर्ण, ४७ रजत र ५० कास्यका साथ १३० पदक प्राप्त गर्दै दोस्रो स्थानमा रहेको छ। दक्षिण कोरिया ३२ स्वर्ण, ४२ रजत, ६५ कास्यसहित १३९ पदकका साथ पदक तालिकाको तेस्रो स्थानमा रहेको छ। भारत १५ स्वर्ण, २६ रजत र २८ कास्यसहित ६९ पदकका साथ चौथो स्थानमा छ। उज्वेकिस्तान १४ स्वर्ण, १५ रजत र २१ कास्यसहित ५० पदकका साथ पदक तालिकाको पाँचौँ स्थानमा रहेको छ।
यसैगरी चाइनिज ताइपेइ १२ स्वर्ण, १० रजत र १८ कास्यसहित ४० पदक प्राप्त गर्दै छैटौँ, थाइल्याण्ड १० स्वर्ण, ११ रजत र १९ कास्यका साथ सातौँ, दक्षिण कोरिया सात स्वर्ण, १० रजत र ६ कास्यसहित २३ पदकका साथ आठौँ, बहराइन ७ स्वर्ण, १ रजत र ४ कास्यसहित १२ पदकका साथ नवौँ तथा हङकङ चाइना ६ स्वर्ण, १५ रजत र २४ कास्यसहित कुल ४५ पदक प्राप्त गर्दै पदक तालिकाको १०औँ स्थानमा रहेका छन्।
एसियाली खेलकुदमा कुल सहभागी ४५ मुलुकमध्ये हालसम्म ३६ मुलुकले पदक प्राप्त गरेका छन्। नेपाल भने हालसम्म पदकविहीन अवस्थामा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751879619.webp)
-1749826086.png)
