कोशीमा मन्त्रिपरिषद् विस्तार, दुई मन्त्री दुई राज्यमन्त्री थप

राजनीति

नेपाल लाइभ सोमबार, असोज ८, २०८० १७:२०

काठमाडौं– कोशी प्रदेशका मुख्यमन्त्री हिक्‍मतबहादुर कार्कीले मन्त्रिपरिषद् विस्तार गरे‍का छन्। यसअघि भदौ २२ गते आफूसहित ५ सदस्यीय मन्त्रीमण्डल बनाएका कार्कीले सोमबार मन्त्रिपरिषद् विस्तार गरेका छन्।

कार्कीले आफ्नो मन्त्रिपरिषद्मा दुई जना मन्त्री र दुई जना राज्यमन्त्री थप गरेका छन्। प्रदेश प्रमुखको कार्यालयले जारी गरेको विज्ञप्तिअनुसार कोशी सरकारमा लिला बल्लब अधिकारीले आन्तरिक मामिला तथा कानुन मन्त्रालयको जिम्मेवारी पाएका छन् भने बुद्धिकुमार राजभण्डारीले खानेपानी, सिँचाइ तथा उर्जा मन्त्रालयको जिम्मेवारी पाएका छन्।

यस्तै रामप्रसाद महतोलाई उद्योग, कृषि तथा सहकारी राज्यमन्त्री र निरन राईलाई आर्थिक मामिला तथा योजना राज्यमन्त्रीको जिम्मेवारी दिइएको छ।

नयाँ थपिएकासँगै कार्कीको सरकारमा उनीसहित ९ जना सदस्य रहेका छन्। यसअघि भदौ २२ गते सर्वोच्चको परमादेशपछि मुख्यमन्त्रीको कार्यभार सम्हालेका कार्कीले तिलकुरमा मेन्याङ्बो, पाँचकर्ण राई, एकराज कार्की र सिर्जना राईलाई मन्त्री बनाएका थिए।

koshi cabinet1695641728.jpg

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

ट्रम्प–पुटिनको भेटपछि स्कोल्जद्वारा युक्रेनका लागि ‘निर्देशित शान्ति’ अस्वीकार

हत्या अभियोगमा फरार दुई जना २० वर्षपछि पक्राउ

फोहोर व्यवस्थापनका विषयमा छलफल गर्न मुख्यसचिवसहितलाई बोलाउन सर्वोच्चको आदेश