काठमाडौं- नेपाली कांग्रेसले आफ्ना सांसदहरुलाई संसद्मा निरन्तर उपस्थित हुन र बैठकको अन्त्यसम्म बस्न आग्रह गरेको छ। पार्टीको केन्द्रीय कार्य समितिको बैठकमा प्रमुख सचेतक रमेश लेखकले उक्त आग्रह गरेका हुन्।
‘सदनमा निरन्तर उपस्थित भइदिनु पर्यो र सदनको अन्तिमसम्म माननीयज्यूहरु बसिदिनुपर्यो,’ सचेतक लेखकले आग्रह गरेका छन्।
संसद्का पछिल्ला केही बैठकहरुमा सत्तापक्षकै सांसदहरु गयल हुँदा गणपुरक नपुगेर बैठक नै स्थगित हुन पुगेको थियो। सरकारले प्रस्तुत गरेका विधेयकहरुको छलफलका लागि निर्णयार्थ प्रस्तुत हुँदा आवश्यक संख्या नपुगेर प्रक्रिया नै स्थगित हुने स्थिति बनेपछि सचेतक लेखकले केन्द्रीय समिति बैठकमा उक्त आग्रह गरेका हुन्।
‘बैठकमा कमसेकम गइदिनुपर्यो। एउटा काम अनिवार्य गरिदिनुपर्यो। कार्यसूची हेरिदिनुहोस् जुन दिनको कार्यसूचीमा निर्णयार्थ प्रस्तुत हुने भने लेखिएको हुन्छ त्यो दिन मतदान हुन्छ,’ लेखकले कार्यसूची हेरेर अन्तिमसम्म बस्न समेत आग्रह गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
