काठमाडौं– नेपाल पत्रकार महासंघले पत्रकारलाई फौजदारी अभियोग लगाउने नयाँ मुलुकी ऐनको प्रावधान तत्काल नहटाए सरकारविरुद्ध कडा आन्दोलनमा जान बाध्य हुने चेतावनी दिएको छ।
संयुक्त राष्ट्र संघको घोषणा पत्र र संविधानकै प्रतिकूल हुने गरी नयाँ मुलुकी ऐनमा पत्रकारलाई जेल सजाय दिनेलगायतका प्रावधान राखिएकाले तत्काल सच्याउन दवाव दिनु परेको नेपाल पत्रकार महासंघका अध्यक्ष गोविन्द आचार्यले स्पष्ट पारे। बिहिबार काठमाडौंमा आयोजित साक्षात्कार कार्यक्रममा बोल्दै अध्यक्ष आचार्यले पत्रकारले गल्ती गरे क्षतिपूर्ति दिने कानुनी व्यवस्था गर्दा फरक नपर्ने उल्लेख गरे।
महासंघले पत्रकारलाई जेल सजाय दिने प्रावधानसहितको नयाँ मुलुकी ऐनले नागरिक अधिकार समेत हनन गरेको दाबी गर्दै त्यसलाई सच्याउन सरकार र सम्बन्धित निकायलाई आग्रह गर्दै आएको छ।
कार्यक्रममा बोल्दै नेपाल बार एशोसिएसनका अध्यक्ष शेरबहादुर केसी र प्रेस काउन्सिल नेपालका पूर्व अध्यक्ष एवम् वरिष्ठ अधिवक्ता बोर्णबहादुर कार्कीले संविधानको समेत प्रतिकूल हुने गरी पत्रकारलाई सजाया दिने कानुनी व्यवस्थासहित आएको नयाँ मुलुकी ऐन संशोधन गर्न सरकारको ध्यानाकर्षण गराएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749627050.jpg)
-1749627522.jpg)
