पर्यटक भित्राउन थाईल्याण्डको नयाँ जुक्ति : चिनियाँ र काजाकिस्तानीलाई बिना भिसा प्रवेश दिने

विश्व

नेपाल लाइभ बिहीबार, भदौ २८, २०८० १४:०४

एजेन्सी- थाईल्याण्डले पर्यटन उद्योगको विकासका लागि वर्षको अन्त्यमा चीन र काजकिस्तानका पर्यटकहरूलाई बिना भिसा प्रवेश दिने भएको छ।

थाईल्याण्डले चीन र काजाकिस्तान पर्यटकहरूका लागि अस्थायी भिसा छुट दिने प्रस्ताव अनुमोदन भएको हो। थाई प्रधानमन्त्री श्रेथा थाभिसिनले बुधबार यो नीतिले चिनियाँ र काजाकिस्तान पर्यटकहरूलाई सेप्टेम्बर २५ देखि फेब्रुअरी २०२४ को अन्त्यसम्म भिसा आवश्यक नपर्ने बताए। उक्त अवधि सकिएपछि त्यसको प्रभाव मूल्यांकन हुने उनको भनाइ छ।

नयाँ नीतिबाट थाईल्याण्डले ५ महिनामा २ करोड ८० लाख विदेशी पर्यटक भित्र्याउने लक्ष्य राखेको छ। उनीहरूबाट ३९ अर्ब १५ करोड अमेरिकी डलर राजस्व कमाउने लक्ष्य रहेको छ। कुल पर्यटन राजस्वमा ८६ अर्ब ६८ करोड अमेरिकी डलरसहित २०२४ मा देशमा पर्यटकको संख्या ४ करोड पुग्ने अनुमान छ।

थाईल्याण्डमा देशको कुल गार्हस्थ्य उत्पादनको करिव १२ प्रतिशत पर्यटनले ओगटेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

चिकित्सक संघद्वारा थप आन्दोलनको घोषणा

शिक्षक आन्दोलन : तीन दिनभित्र शिक्षकका जायज माग पूरा गरी विद्यालय फर्काउने वातावरण सुनिश्चित गर्न सर्वोच्चको आदेश

रुकुम पूर्व केन्द्रविन्दु भएर भूकम्प