२०८२ वैशाख १ बाट क्रियाशील सदस्यताको फाइल बन्द हुन्छ, महाधिवेशन मंसिरभन्दा उता जाँदैन : गगन थापा

राजनीति

नेपाल लाइभ बुधबार, भदौ २७, २०८० १६:४६

काठमाडौं- नेपाली कांग्रेसका महामन्त्री गगन थापाले नेपाली कांग्रेसको महाधिवेशन २०८२ मंसिरयता नै भइसक्ने ठोकुवा गरेका छन्। बुधबार पोखरामा आयोजित एक कार्यक्रममा सम्बोधन गर्दै उनले महाधिवेशन मंसिर उता जान नदिइने बताए।

'तपाईंहरूले ध्यान दिनु भए हुन्छ। नेपाली कांग्रेसको महाधिवेशन २०८२ सालको मंसिर महिनाभन्दा उता एक जाँदैन, दुई जाँदैछ, तीन जाँदैन। जान दिइँदैन। २०८२ सालमा चार वर्ष पुग्छ। २०८२ सालमा अधिवेशन गराउने हो', उनले भने।

थापाले महाधिवेशनका लागि आधारभूत कुरा क्रियाशील सदस्यता भएको र आफू त्यसको संयोजक रहेको स्मरण गराए।

यसअघि महाधिवेशन नजिकिइसक्दा समेत क्रियाशील सदस्यताको किचलोले महाधिवेशन नै अन्योलमा पर्ने गरेको थियो। पोखरामा थापाले २०८२ सालको वैशाख १ गतेबाट नेपाली कांग्रेसको क्रियाशील सदस्यताको बारेमा एउटा काम पनि नहुने बताए। भने, 'नयाँ भरिन्छ, न रिन्यु हुन्छ। फाइल बन्द हुन्छ। २०८२ सालमा अधिवेशन गराउने हो।'

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

स्वास्थ्य सचिव डा पोखरेल र अतिरिक्त सचिव डा सिंहलाई मन्त्रालयको बिदाइ

बराबरीमा सकियो नेपाल र म्यानमारको खेल

निहत्था नागरिकको हत्या गर्ने माओवादीको जनयुद्ध थिएन, धनयुद्ध हो : गगन थापा