ब्रेक प्याडमार्फत ३०२ किलो सुन तस्करी भएको सीआईबीको निष्कर्ष

सुरक्षा/अपराध

नेपाल लाइभ बुधबार, भदौ २७, २०८० १२:४६

काठमाडौं- नेपाल प्रहरीको केन्द्रीय अनुसन्धान ब्यूरो (सीआईबी)ले रेडी ट्रेड लिंक प्रालिमार्फत नेपाल हुँदै विभिन्न देशमा ३०२ किलो ६२० ग्राम सुन तस्करी भएको निष्कर्ष निकालेको छ।

पत्रकार सम्मेलनमार्फत सीआईबीले ३५ दिन लगाएर ४२ जनाको टोलीले गरेको अनुसन्धानमा दोलखाका दिलिप भुलेजको नाममा दर्ता भएको रेडी ट्रेड लिंक प्रालिबाट उक्त मात्रामा सुन भित्र्याएको देखिएको हो। सीआईबीकी प्रमुख एआईजी किरण बज्राचार्यले यस्ता पाँच वटा कम्पनीबाट सुन तस्करी भएको सीआईबीको अनुसन्धानमा देखिएको बताइन्।

हङकङ ट्रान्जिट हुँदै त्यहाँबाट तीन वटा कम्पनीले रेडी ट्रेडको नाममा ३ अर्ब ५० करोड २ लाख १६ हजार ५५२ को सुन भित्र्याएको बज्राचार्यले बताइन्। उनले सुन तस्करी प्रकरणमा हाल फेला परेको सुनको मात्र अनुसन्धान गरेर अभियोगपत्र दायर गरेको र पुरक अनुसन्धान भने जारी रहेको बताइन।

उनले बयानका क्रममा आएका नामहरुमा सीआईबीले निरन्तर अनुसन्धान जारी राख्ने पनि उनले बताइन्। उनले सुन तस्करी प्रकरणमा जो सुकै संलग्न भएको भए पनि सीआईबीले उन्मुक्ति नदिने पनि दाबी गरिन्।

उनका अनुसार पक्राउ परेका ३२ जना र फरार १८ जनासहित ५० जना विरुद्ध ३ अर्ब ५० करोड २ लाख १६ हजार ५५२ रुपैयाँको बिगो कायम गरेर मुद्दा अघि बढाउन सरकारी वकिलको कार्यालयलाई राय दिइँदैछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

खानेपानी तथा सरसफाइको क्षेत्रमा सहयोग गर्न युनिसेफलाई खानेपानीमन्त्री यादवको आग्रह

नाइजेरियामा सडक दुर्घटनामा कम्तीमा ३२ जनाको मृत्यु

सांसद चौधरीविरुद्धको रिट खारेज