अस्पताल नपुग्दै मृत्यु भइसकेको थियो नेम्वाङको

राजनीति

नेपाल लाइभ मंगलबार, भदौ २६, २०८० ०७:३१

काठमाडौं– नेकपा एमालेका उपाध्यक्ष तथा संविधान सभाका अध्यक्ष सुवासचन्द्र नेम्वाङको अस्पताल नपुग्दै मृत्यु भइसकेको चिकित्सकले बताएका छन्।

नेम्वाङलाई मंगलबार बिहान १:५० बजे अस्पताल पुर्‍याइएको थियो। परिवारका सदस्य र सहयोगीले उनलाई अस्पतालको आकस्मिक कक्षमा पुर्‍याइएका थिए।

नेम्वाङको ‘उपचार’मा संलग्न १ जना चिकित्सकका अनुसार आकस्मिक कक्षमा पुर्‍याइँदासम्म नेम्वाङ जीवित रहेको कुनै संकेत थिएन। यद्यपि मुटुको चाल फर्किन्छ कि भनेर सीपीआर (कार्डियोपल्मोनरी रिससिटेसन) गरिएको थियो।

‘१:५० बजेतिर अस्पताल ल्याइएको थियो। आकस्मिक कक्षमा जीवित रहेको कुनै साइन नै नभए पनि हामीले मुटुको चाल फर्कन्छ कि भनेर सीपीआर गरेका थियौं। नभएपछि कन्फर्म डेथ डिक्लेयर गरेका हौं,’ ती चिकित्सकले नेपाल लाइभसँग भने।

परिवारका सदस्यले नेम्वाङलाई शौचालयमा बेहोस अवस्थामा भेटेको भनेर अस्पतालमा जानकारी दिएका थिए। ‘शौचालयमा बेहोस् अवस्थामा भेटेपछि अस्पताल ल्याइएको भनेर परिवारका सदस्यले जानकारी गराउनुभएको थियो,’ अस्पताल स्रोतले भन्यो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बागमती गोल्डकप : उपाधिका लागि आज चर्च ब्वाइज र मच्छिन्द्र भिड्ने

दुई संसदीय समितिको बैठक बस्दै, पानीजहाज सञ्चालन विधेयकमा छलफल हुने

काउली र सागको मूल्य बढ्यो, च्याउ, घिरौँला र करेला सस्तियो