बीपी राष्ट्रिय मात्रै नभइ अन्तर्राष्ट्रिय विचारक र साहित्यकार हुनुहुन्थ्यो: देउवा

राजनीति

नेपाल लाइभ आइतबार, भदौ २४, २०८० १२:२५

काठमाडौं– नेपाली कांग्रेसका सभापति शेर बहादुर देउवाले बीपी कोईराला राष्ट्रिय मात्र नभइ अन्तराष्ट्रिय विचारक भएको टिप्पणी गरेका छन्।

पार्टी मुख्यालय सानेपामा बीपी कोइरालाको ११०औं जन्मजयन्तीको अवसरमा आयोजित बीपी साहित्य महोत्सवको उद्‌घाटन गर्दै सभापति देउवाले नेपालको संविधानमै समाजवाद उन्मुख व्यस्था राखेको बताए। उनले भने, ‘नेपाल समाजवाद उन्मुख व्यवस्था नेपालको संविधानमा राखेका छौं। तर बीपी राष्ट्रिय मात्र होइन, अन्तर्राष्ट्रिय नेता, राजनीतिक विचारक र साहित्यकार हुनुहुन्थ्यो।’

बीपी सबै किसिमका विभेदविरुद्ध आगो ओकल्ने व्यक्ति भएको उल्लेख गर्दै देउवाले बीपी समावेशीता, स्वाभिमान, न्याय, समानता, राष्ट्रियता, समाजवाद र प्रजातन्त्रका लागि पहाड झैं उभिएको बताए। उनले भौतिक रुपमा नभए पनि बीपीका विचार सिद्धान्त र साहित्यक कीर्तिले मार्ग निर्देशन गरिरहेको बताए।

उनले भने, ‘बीपी नेपाली राजनीतिको विशिष्ट र बहुआयमिक व्यक्तित्व हुनुहुन्थ्यो। उहाँले देखाएको राजनीतिको बाटोमा अहिले पनि हामी हिँडिरहेका छौँ। उहाँका साहित्य अहिले पनि उत्तिकै शक्तिशाली छन्।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

भारततर्फ जाँदै गरेका १०२ जना बालबालिकालाई माईती नेपाल धनुषाले गर्यो उद्धार

मन्त्री पाण्डेको नेतृत्वमा पशुपतिमा प्रभातफेरी, दर्शनलाई सहज बनाउन निर्देशन

जलवायु परिवर्तनले जुम्लामा समेत डेंगु देखिन थालिसकेको छ : मेयर राजुसिंह कठायत